火鍋煮場

營業中

休息中

天氣終於凍返少少，係時候去打邊爐，鍾意黎呢間因為貪佢有德國啤酒飲。叫咗個炸蝦餅餸啤酒等齊人，個蝦餅彈牙好食。啤酒就主力飲呢兩隻，來自德國嘅，左面係黑啤右面係西柚啤，衣家仲要做緊特價$10一支，平過飲汽水。湯底揀咗豬骨湯，都幾多豬骨，另外D粟米都幾甜。呢度D韭菜餃都幾新鮮，味道唔錯，D韭菜好香，新鮮就係好食D啦。我地仲叫咗個手打蝦丸，一份有八粒，晶瑩剔透，幾新鮮幾爽口彈牙。打邊爐如果無肉又點得呢？不過我地反傳統，無叫一般肥牛，反而叫咗牛白肉同埋手刨羊肉。牛白肉基本上焯一焯一見佢縮就食得，好爽口，呢個真係好好食。羊肉嘅羊味都幾濃，不過就唔羶。