更多
2020-04-29
1851 瀏覽
🔎深水埗欽州街65-71號地下「良心漢堡小店」- Burgerman (深水埗)因為疫情關係最近都少咗出街，難得今日要去深水埗買電無線充電座，所以順面係附近搵下好嘢食。今次就特登黎到區內都好出名嘅漢堡小店Burgerman。小店個地理位置都好方便，地鐵站一出行五分鐘內就會到，對面就係黃金商場，好適合行完街黎補充一下熱量。一黎到門口嘅時候就見到佢牆身有一幅小小連儂牆，我就知道今次黎啱地方了(laugh)。由於鋪面比較細，只係容納到兩張枱。我就比較鐘意坐係路邊既高枱，係戶外食Burger好似特別Chill！可以一路食一路望住睇日落勝地－嘉頓山。候斯頓BBQ漢堡($65)呢度嘅Burger只要加多$20就可以跟餐配埋薯條同汽水，咁食Burger無理由唔配埋啦！由於今日都唔算好多人，個Burger好快就整好。一黎到就見到芝士半溶係Burger上面我已經流哂口水。一食落去就覺得呢間小店整嘅Burger好出色：Burger好Juicy同重牛味，配上芝士同煙肉嘅咸味簡直一流，最底仲有蕃茄同生菜中和返，所以食落去冇想像中咁油膩。值得一提係佢個Burger包皮烘到好香脆。用餐體驗係呢度個用餐體驗我都會
「良心漢堡小店」- Burgerman (深水埗)
因為疫情關係最近都少咗出街，難得今日要去深水埗買電無線充電座，所以順面係附近搵下好嘢食。今次就特登黎到區內都好出名嘅漢堡小店Burgerman。小店個地理位置都好方便，地鐵站一出行五分鐘內就會到，對面就係黃金商場，好適合行完街黎補充一下熱量。
一黎到門口嘅時候就見到佢牆身有一幅小小連儂牆，我就知道今次黎啱地方了(laugh)。由於鋪面比較細，只係容納到兩張枱。我就比較鐘意坐係路邊既高枱，係戶外食Burger好似特別Chill！可以一路食一路望住睇日落勝地－嘉頓山。
候斯頓BBQ漢堡($65)
呢度嘅Burger只要加多$20就可以跟餐配埋薯條同汽水，咁食Burger無理由唔配埋啦！由於今日都唔算好多人，個Burger好快就整好。一黎到就見到芝士半溶係Burger上面我已經流哂口水。一食落去就覺得呢間小店整嘅Burger好出色：Burger好Juicy同重牛味，配上芝士同煙肉嘅咸味簡直一流，最底仲有蕃茄同生菜中和返，所以食落去冇想像中咁油膩。值得一提係佢個Burger包皮烘到好香脆。
用餐體驗
係呢度個用餐體驗我都會俾好高分，雖然地方淺窄，但係佢哋好貼心，提供哂手套同免洗消毒酒精俾客，呢啲細微嘅位置我都會加分！食完基本水唔駛洗手已經可以走人。
🍽8.0/10
張貼
