影片
更多
2020-03-07
822 瀏覽
就算間餐廳幾唔好食我都好少會特登俾負皮，叫做俾多次機會，但今次真係極失望😠其實今次係第二次光顧，仲要特登揀黎食自己生日飯，皆因兩年幾前食過覺得幾好所以好有信心，結果⋯一行五人，揀左A5和牛放題（因為對上嗰次未有和牛級數，算係嚐鮮）。其實我哋都好明白呢個價錢（$398/位）喺日本先勉強食到無特別級數嘅和牛放題，更何況A5，更何況香港🤨所以我無太高嘅期望。結果的確中規中矩，唔合格嘅A5，但有一般和牛油脂旨味。今次贈送嘅海鮮拼盤完全唔新鮮（但上次有埋龍蝦兩食嗰次係幾好），鮑魚味如嚼蠟都算，唔小心戳破內臟竟然腐臭到成個碗唔可以繼續用😖蠔同扇貝正常，甲羅燒太死鹹。虎蝦喺正常火力下一係難變色，一係容易燒乾，呢個就當我哋技術不純啦～但當中的確有食到「霉」蝦肉，確實大而無當！早左差不多一個星期預訂，竟然食得仲淒慘過出面walk-in 嘅餐廳😂服務就「出色」到不行了～相信係疫情影響，周日晚上只有幾枱客人，而餐廳一方亦將我哋呢幾枱安排到較後方嘅位置入座，其實係無問題嘅～問題係全部樓面竟然企哂喺reception，離大家勁遠，有時需要服務就要示意好多下先見到我哋！客人咁少都咁我好納悶🌚另外，雖然大家有共識約
其實今次係第二次光顧，仲要特登揀黎食自己生日飯，皆因兩年幾前食過覺得幾好所以好有信心，結果⋯
一行五人，揀左A5和牛放題（因為對上嗰次未有和牛級數，算係嚐鮮）。其實我哋都好明白呢個價錢（$398/位）喺日本先勉強食到無特別級數嘅和牛放題，更何況A5，更何況香港🤨所以我無太高嘅期望。結果的確中規中矩，唔合格嘅A5，但有一般和牛油脂旨味。
和牛拼盤
33 瀏覽
0 讚好
0 留言
今次贈送嘅海鮮拼盤完全唔新鮮（但上次有埋龍蝦兩食嗰次係幾好），鮑魚味如嚼蠟都算，唔小心戳破內臟竟然腐臭到成個碗唔可以繼續用😖蠔同扇貝正常，甲羅燒太死鹹。虎蝦喺正常火力下一係難變色，一係容易燒乾，呢個就當我哋技術不純啦～但當中的確有食到「霉」蝦肉，確實大而無當！
早左差不多一個星期預訂，竟然食得仲淒慘過出面walk-in 嘅餐廳😂
海鮮拼盤
19 瀏覽
1 讚好
0 留言
服務就「出色」到不行了～相信係疫情影響，周日晚上只有幾枱客人，而餐廳一方亦將我哋呢幾枱安排到較後方嘅位置入座，其實係無問題嘅～問題係全部樓面竟然企哂喺reception，離大家勁遠，有時需要服務就要示意好多下先見到我哋！客人咁少都咁我好納悶🌚
另外，雖然大家有共識約個半小時左右要last order，但一般放題店都會選擇由服務員/ 點菜平板電腦提示，結果兩樣都無，突然斷左點菜系統⋯或者係我哋picky，我哋應該盡客人義務，唔可以依賴服務員，要時刻睇住時間，或者校返個鬧鐘咁。
無論如何，食材、服務都為我呢個壽星蒙上大大片陰影面積，亦好愧疚向同行友人們推薦左呢間餐廳⋯生意唔好都可以經營得咁隨心所欲，我就唔會再貼錢買難受，大家都三思而行啦～
張貼
