蝦蝦燒

營業中

休息中

任食流水蝦呢度唔係第一間，但係有埋其他海鮮可以自己揀自己拎呢啲度算係第一間，當日一上到餐廳見到一個舖滿碎冰嘅雪櫃，上面放滿幾款魚類及貝殼類嘅海鮮認真胃口大增，祗係枱與枱中間位置有啲迫，燒烤爐有啲細但仍然有足夠火力燒海鮮，當日係星期日下午時段仲有八折，我個人最喜歡有魚類可供選擇，當日我就食咗大眼雞，馬友及黃腳𩶘，可以放响燒烤爐下層慢慢燒，當食晒上層嘅蝦同貝類再响下層拎啲魚上嚟燒多三分鐘剝皮嚟食入面嘅魚肉鮮味十足，同行嘅朋友就算不太喜歡食魚怕有魚腥味都食唔停口，如果時間可以增加到三小時更好