影片
更多
2020-10-04
2598 瀏覽
❀ 欣圖軒 #尖沙咀 ❀❗️洲際酒店內海景 多年米芝蓮兩星中菜廳❗️——————————————————DiningCity Restaurant Week優惠又返嚟啦，又可以以平價享用到多間著名餐廳嘅招牌菜式😆今次好好彩book到呢間位於洲際酒店內，榮獲多年米芝蓮兩星嘅中菜廳⭐️⭐️雖然現時稍被降到一星，但內裏嘅優雅高貴氣派、店員嘅服務、食物嘅質素依然甚為頂尖。.欣圖軒，取名於其英文名INtercontinenTAL嘅第一同最後一個音節，特色在於全間餐廳都用上翡翠色嘅玉石裝修，富有中國特色得來但又有高貴優雅非傳統守舊嘅感覺💚對住一望無際嘅維港景色，午市嚟到陽光照射入嚟閃閃新輝✨貴為多年兩星嘅餐廳，以及傳統五星級酒店品牌，服務質素當然有一定嘅水準，會為客人介紹食物，主動湛茶、帶領到廁所等等嘅基本服務都有做到(不過就始終比唔上同四季酒店內三星嘅Caprice)。.✷𝑀𝑒𝓃𝓊✷Restaurant Week Promotion Menu 菜單 $680 坐低先會提供餐前小食，係超級脆口嘅合桃。另外仲會提供三種唔同辣度嘅辣椒醬、同埋三款鹹、酸、甜嘅醬油，任君選擇。.☞ 薑蔥海蜇頭雞絲🐔涼涼甜甜地嘅雞
❗️洲際酒店內海景 多年米芝蓮兩星中菜廳❗️
——————————————————
DiningCity Restaurant Week優惠又返嚟啦，又可以以平價享用到多間著名餐廳嘅招牌菜式😆今次好好彩book到呢間位於洲際酒店內，榮獲多年米芝蓮兩星嘅中菜廳⭐️⭐️雖然現時稍被降到一星，但內裏嘅優雅高貴氣派、店員嘅服務、食物嘅質素依然甚為頂尖。
.
欣圖軒，取名於其英文名INtercontinenTAL嘅第一同最後一個音節，特色在於全間餐廳都用上翡翠色嘅玉石裝修，富有中國特色得來但又有高貴優雅非傳統守舊嘅感覺💚對住一望無際嘅維港景色，午市嚟到陽光照射入嚟閃閃新輝✨貴為多年兩星嘅餐廳，以及傳統五星級酒店品牌，服務質素當然有一定嘅水準，會為客人介紹食物，主動湛茶、帶領到廁所等等嘅基本服務都有做到(不過就始終比唔上同四季酒店內三星嘅Caprice)。
.
✷𝑀𝑒𝓃𝓊✷
Restaurant Week Promotion Menu 菜單 $680
坐低先會提供餐前小食，係超級脆口嘅合桃。另外仲會提供三種唔同辣度嘅辣椒醬、同埋三款鹹、酸、甜嘅醬油，任君選擇。
64 瀏覽
0 讚好
0 留言
72 瀏覽
0 讚好
0 留言
.
☞ 薑蔥海蜇頭雞絲🐔
涼涼甜甜地嘅雞絲，的確幾開胃。
最特別係一嚿嚿而非一條條嘅嘅海蜇，滑脫脫到不得了，爽口彈牙！
而且用上古代酒器，成個感覺非常高貴😍。
薑蔥海蜇頭雞絲
82 瀏覽
1 讚好
0 留言
.
☞ 原粒瑤柱燉竹絲雞🍲
每碗湯都有一粒大瑤柱、數件竹絲雞、爽口菇菌。
味道甚為清甜，誇張到有浸鮮味，一啲都唔油膩👍🏻。
原粒瑤柱燉竹絲雞
42 瀏覽
0 讚好
0 留言
.
☞ 金沙脆蝦球🍤
每人兩球，配上香脆米通。
蛋黃味非常之香，完美地包住個蝦球。
蝦球應該唔係炸，而係用上大火去炒，所以感覺唔會太滯😚。
另外隻蝦真係非常爽口鮮甜！再配埋米通增添脆口，回味無窮。
金沙脆蝦球
57 瀏覽
0 讚好
0 留言
.
☞ 蠔皇原隻鮑魚🤎
用上原隻南非鮑魚，都應該算係今餐嘅重頭戲。
絕非嗰種彈牙都要咬到牙軟先呑到嘅鮑魚，而係軟身輕輕咬幾口就可以☺️。
醬汁唔會過濃，未係嗰種漿口漿得好犀利嘅蠔油汁，反而係比預料清甜得多。
成件事味道比我想像中清淡，但更能感受到鮑魚本身嘅鮮甜。
蠔皇原隻鮑魚
98 瀏覽
0 讚好
0 留言
.
☞ 三蔥爆石窩和牛🐮
呢個就相對惹味得多！
用上頂尖澳洲M9 和牛，幾乎入口即溶，比起心多專賣牛扒嘅西餐廳更加出色！
用上spring onion, onion, scallion，三款唔同嘅香蔥炒爆，當中嘅洋蔥甜到不得了😆非常好食。
三蔥爆石窩和牛
87 瀏覽
1 讚好
0 留言
三蔥爆石窩和牛
52 瀏覽
1 讚好
0 留言
.
☞ 香芋火鴨八寶飯🍚
內有大量粒粒香芋、火鴨粒、菇、菜脯、蝦米等等。
成個飯非常之香，粒粒分明，好乾身，一啲都唔油，特別推薦配上佢嘅辣椒醬，更加惹味😋。
香芋火鴨八寶飯
57 瀏覽
1 讚好
0 留言
.
☞ 香芒凍布甸🥭
最後用一個簡單嘅中式甜品作完結。
鮮甜嘅芒果配上奶味重嘅布甸，雖然唔算話十分有驚喜，但食到呢度都算幾滿足。
另外佢仲送上每人一杯羅漢果菊花茶，清甜有化痰嘅作用🥰。
.
☞ 白龍珠香片🍵
跟餐包埋茶。
原來欣圖軒係全港第一間引入茶藝師嘅餐廳，提供各種優質嘅茶葉選擇。
不過我自己對中式嘅搽研究唔算深，未知呢壺香片算唔算非常頂尖🙈。
但我自己本身好唔鍾意中國茶嗰種澀味，但呢個香片絕對冇嗰個問題，相反係一陣清幽唔算好濃嘅茶味，個人幾鍾意。
——————————————————
☞ Restaurant Week Promotion Menu 菜單 $680
味道: 4.4/5 性價比: 4.3/5
.
整體來講，算係一個頂尖嘅中餐體驗，每一道食物都唔會令你失望，呢個價錢可以感受到榮獲當年米芝連兩星嘅餐廳，絕對算係物超所值👍🏻不過佢嘅菜式就未稱得上為非常獨特，未去到會留下畢生難忘嘅回憶🙈另外即使冇優惠期間，佢哋午市最平嘅套餐好似都只係$488，所以想感受下呢種高貴優雅米芝連中菜廳嘅用餐體驗，呢間都算係唔錯嘅選擇。
大家)。
.
另外有關 DiningCity 嘅優惠其實可以去返佢哋嘅官網或者app度睇，但係今次只係去到10月4日🙈，可能要等下一次啦。
張貼
