影片
更多
2020-11-20
558 瀏覽
平時都好鍾意食泰國菜，呢間都幫襯過幾次，因為主打一啲fusin泰菜。餐廳出邊都有座位，我哋揀坐出邊，因為坐得比較闊落，好似舒服一啲，方便傾偈。Tom Yum Noodle $138冬陰功湯底好濃郁，但係又冇渣，食得到真材實料製成。河粉可以吸收晒湯底嘅精華，再配埋隻超大既大頭蝦，啖啖肉。Yellow Curry with Tiger Prawns and Crab Meats $228大頭蝦隻隻先炸香曬先再上咖哩汁，所以每一隻都脆卜卜，連殻都可以食埋。佢嘅咖喱味唔會辣，而且充滿椰奶香味，又有好多嘅蟹肉，所以食起嚟特別鮮甜。好似我哋咁樣，將印度酥餅搣下，擺一隻蝦，再加啲配菜，好多汁，就係完美嘅配搭。Clams in Thai Basil Leaves $148我最鍾意呢一碟泰式炒蜆，首先佢用較好嘅花甲，肉質比較厚，而且鮮甜 ；最重要係佢夠辣，我最鍾意刺激嘅食物，提神開胃；淨係佢個汁都可以撈幾個白飯，連佢啲洋蔥都吸曬汁嘅鮮甜，味道特別好吃。Mixed Fruit Punch $42Lemongrass Drink $40我揀香茅飲品，因為感覺比較清新，酸酸甜甜都可以消膩。食完飯梗係要食埋甜品
平時都好鍾意食泰國菜，呢間都幫襯過幾次，因為主打一啲fusin泰菜。餐廳出邊都有座位，我哋揀坐出邊，因為坐得比較闊落，好似舒服一啲，方便傾偈。
Tom Yum Noodle $138
冬陰功湯底好濃郁，但係又冇渣，食得到真材實料製成。河粉可以吸收晒湯底嘅精華，再配埋隻超大既大頭蝦，啖啖肉。
Yellow Curry with Tiger Prawns and Crab Meats $228
大頭蝦隻隻先炸香曬先再上咖哩汁，所以每一隻都脆卜卜，連殻都可以食埋。佢嘅咖喱味唔會辣，而且充滿椰奶香味，又有好多嘅蟹肉，所以食起嚟特別鮮甜。好似我哋咁樣，將印度酥餅搣下，擺一隻蝦，再加啲配菜，好多汁，就係完美嘅配搭。
Clams in Thai Basil Leaves $148
我最鍾意呢一碟泰式炒蜆，首先佢用較好嘅花甲，肉質比較厚，而且鮮甜 ；最重要係佢夠辣，我最鍾意刺激嘅食物，提神開胃；淨係佢個汁都可以撈幾個白飯，連佢啲洋蔥都吸曬汁嘅鮮甜，味道特別好吃。
Mixed Fruit Punch $42
Lemongrass Drink $40
我揀香茅飲品，因為感覺比較清新，酸酸甜甜都可以消膩。
食完飯梗係要食埋甜品先可以走啦。
Coconut Crepe Cake $78
呢個係佢哋嘅鎮店之寶，椰青千層蛋糕，食過幾次都係做得好好！有粒粒嘅椰子肉，又有椰青肉，食起嚟特別有咬口！
Chocolate Tart $88
金莎朱古力撻，朱古力味濃厚，朱古力入口口感細滑！
張貼
