泰巷 (MOSTown新港城中心) (已結業)

聽聞泰式船河好耐，原來新港城都有喔，位置近千色店。睇咗餐廳門口 menu，都有幾多選擇，於是走入去食。中午時分兩人位等少少時間就安排入座，位置都幾闊落，我哋叫咗招牌海南雞飯，配餐加$8菠蘿梳打飲品，幾好飲，套餐有紫菜豆腐湯，小份沙律菜，選咗油飯，海南雞都唔錯，中規中矩。船河就耐少少，可能接近下午茶時間，多 order. 就慢慢飲阿華田先，飲得七七八八時船河就來了，我 Google 咗船河，湯底滷水味，所以顏色較深的。湯有少少甜味，材料有芽菜，豆卜，Q彈的細細粒肉丸，少少通菜，份量都尚好，飽飽的！