和氣食堂 (河畔花園)

營業中

休息中

沙田圍一向多隱世食店，今次就入去試下呢間最近甚有人氣嘅和氣食堂。午市時間人流都唔少，不過都算好快就等到有位，見到餐牌樣樣都想食，就決定叫和氣壽司定食，有齊烏冬、炸雞及九款壽司。壽司有肥美嘅三文魚、 刺身虎蝦、油甘魚、帆立貝、爆口三文魚籽、吞拿魚碎 、巨型醬汁燒鰻魚及鮮芒果肉花之戀，不得不提壽司飯嘅温度同結實度恰好，唔會凍到實左，確實有水準。另外餐仲有烏冬麵及炸雞，烏冬煙韌彈口，新鮮粟米粒非常鮮甜，再加上蔥花令湯底更清香。炸雞肉質嫩滑，外脆内軟。朋友就叫左個滑蛋吉列豬扒丼，豬扒份量十足肉質嫩滑，炸粉脆口而又薄薄一層包住豬扒，配埋滑蛋撈飯吃一流｡加$14可選多兩款小食，加$16就可選三款小食，我地就揀多個加州卷及沙律。總括來講，呢度算係個性價比高嘅隱世小店。