影片
更多
2019-10-19
80 瀏覽
又到週末好去處嘅時候喇今日第一站就去咗馬鞍山先之後就去西貢咁呢馬鞍山呢就比較少去咁就周圍行啦，咁就見到有一間新開嘅西餐廳叫WM Cafe，佢萬聖節裝飾佈置得幾靚又唔太貴，於是就入咗去坐啦。入到去啲燈光有啲暗好似啲酒吧咁樣，都幾有氣氛。其實喺門口已經睇咗要食咩所以我哋都好快就叫啦，咁佢個lunch就由11:30就做到五點嘅都包埋下午茶。於是我哋一行二人就叫左鹿兒島黑豚西冷配北海道檸檬海鹽烤雞再配薯菜。另外就叫咗個安格斯牛肉芝士漢堡。咁佢有餐湯嘅，今日嘅餐湯就係羅宋湯同埋龍蝦湯，咁我哋就叫咗龍蝦湯啦。雖然係星期六，但係我哋嚟嗰陣，都差唔多已經坐滿晒人，好彩咁岩有一張枱比我地所以就唔使等。等左一陣，龍蝦湯同埋餐咁就嚟咗先我哋就叫咗凍檸茶。龍蝦湯好香，唔會濃或者太鹹個味道啱啱好。餐飲方面，基本上我每次食西餐廳或者Cafe都會叫凍檸茶，因為佢哋嘅茶底會清啲，好似西式嘅紅茶咁樣，唔會好似茶餐廳嗰啲咁濃會苦澀。呢杯冇令我失望，啱啱好，好好飲。跟住主菜都嚟咗啦，我就叫咗牛肉芝士漢堡，朋友就叫咗豬扒同雞扒，大家都係配薯條。咁我就試咗自己嗰個先啦，個burger面頭鋪滿晒芝麻。我個口比較大，當然係一啖咬落
今日第一站就去咗馬鞍山先之後就去西貢
咁呢馬鞍山呢就比較少去咁就周圍行啦，咁就見到有一間新開嘅西餐廳叫WM Cafe，佢萬聖節裝飾佈置得幾靚又唔太貴，於是就入咗去坐啦。
入到去啲燈光有啲暗好似啲酒吧咁樣，都幾有氣氛。
其實喺門口已經睇咗要食咩所以我哋都好快就叫啦，咁佢個lunch就由11:30就做到五點嘅都包埋下午茶。
於是我哋一行二人就叫左鹿兒島黑豚西冷配北海道檸檬海鹽烤雞再配薯菜。
另外就叫咗個安格斯牛肉芝士漢堡。
咁佢有餐湯嘅，今日嘅餐湯就係羅宋湯同埋龍蝦湯，咁我哋就叫咗龍蝦湯啦。
雖然係星期六，但係我哋嚟嗰陣，都差唔多已經坐滿晒人，好彩咁岩有一張枱比我地所以就唔使等。
等左一陣，龍蝦湯同埋餐咁就嚟咗先我哋就叫咗凍檸茶。
龍蝦湯好香，唔會濃或者太鹹個味道啱啱好。
餐飲方面，基本上我每次食西餐廳或者Cafe都會叫凍檸茶，因為佢哋嘅茶底會清啲，好似西式嘅紅茶咁樣，唔會好似茶餐廳嗰啲咁濃會苦澀。
呢杯冇令我失望，啱啱好，好好飲。
跟住主菜都嚟咗啦，我就叫咗牛肉芝士漢堡，朋友就叫咗豬扒同雞扒，大家都係配薯條。
咁我就試咗自己嗰個先啦，個burger面頭鋪滿晒芝麻。我個口比較大，當然係一啖咬落去啦，好在啱啱都咬得晒，唔會食到揦手唔成勢
，佢塊牛肉唔會太乾，會見到有少少牛筋喺度，所以會有少少咬口，都幾好食，唔知係咪因為啲菜嘅影響關係，塊芝士就唔係好溶，我諗如果整熱少少啲菜，咁塊芝士可以完全溶晒咁樣就更加好味。
WM 安格斯牛肉芝士漢堡
1 瀏覽
0 讚好
0 留言
而薯條呢都係即炸嘅，所以都係好香脆，點埋番茄汁就更加好味。
朋友個餐都好快到埋
豬扒同雞扒都10分好食，佢啲豬扒有少少粉紅色嘅質地，因為係靚嘅肉先至會白裏透紅，而且好有肉汁，唔會一味只係乾爭爭，好好食。
鹿兒島黑豚西冷
1 瀏覽
0 讚好
0 留言
而雞扒都係有少少粉紅色咁樣好嫩滑，有肉汁好好食。
北海道檸檬海鹽烤雞
2 瀏覽
0 讚好
0 留言
整體來講都幾抵食，而且氣氛環境都幾好。
朋友話喺馬鞍山呢個美食沙漠有間咁唔錯嘅餐廳，住喺附近嘅朋友真係要嚟試吓。而且佢嚟緊仲有萬聖節嘅套餐望落都好吸引，有機會會黎試下。
張貼
