影片
更多
2023-05-13
32 瀏覽
結束繁忙嘅一天 有咩好得過同三五知己飲返兩杯食下野傾下計🚪打開「樂酒場」嘅門口，一邊行上樓梯，一邊聽著日式歌曲🎶就好似帶你穿梭去到日本咁再打開第二度門 就會入到餐廳 空間滿滿 分左坐席區同榻榻米區🎎想坐得舒服無拘無束 當然要揀榻榻米!!餐廳裝修非常有特式 係以現代昭和風格懷舊裝潢作為靈感溫暖嘅木系傢俱同柔和嘅燈光 令人感覺好舒適一坐底店員除左遞上餐牌 仲會遞上一壺熱茶🍵 非常貼心餐廳食物種類選擇非常多\ 🥑牛油果山葵漬 ($48) / 雖然好鐘意食牛油果，但呢個配搭都真係第一次，有驚喜!! 牛油果熟成度剛剛好，不硬也不會過腍，可以話係入口即化，山葵漬微辣，爽脆鮮嫩嘅口感，配埋紫菜同醬油，同牛油果非常夾，可以一試！\ 🥚醬油鳥蛋 ($38) /店家用秘製嘅日式醬油醃製，非常入味，鵪鶉蛋生熟程度剛好，蛋黃軟身，非常適合做下酒前菜!!!\ 🥟雞皮餃子 ($68) / 之前係日本居酒屋食過，估唔到呢到都有!! 以雞皮取代傳統餃子皮，食落去有雞油香氣，外皮炸到金黃酥脆，內餡軟嫩多汁！咁惹味絕對係下酒良伴，推介!!\ 🍣刺身5点盛り ($280) /餐廳嘅海鮮都係日本市場直送 而且會有季節時令5点
🚪打開「樂酒場」嘅門口，一邊行上樓梯，一邊聽著日式歌曲🎶就好似帶你穿梭去到日本咁
再打開第二度門 就會入到餐廳 空間滿滿 分左坐席區同榻榻米區🎎
想坐得舒服無拘無束 當然要揀榻榻米!!
餐廳裝修非常有特式 係以現代昭和風格懷舊裝潢作為靈感溫暖嘅木系傢俱同柔和嘅燈光 令人感覺好舒適
一坐底店員除左遞上餐牌 仲會遞上一壺熱茶🍵 非常貼心餐廳食物種類選擇非常多
\ 🥑牛油果山葵漬 ($48) /
雖然好鐘意食牛油果，但呢個配搭都真係第一次，有驚喜!! 牛油果熟成度剛剛好，不硬也不會過腍，可以話係入口即化，山葵漬微辣，爽脆鮮嫩嘅口感，配埋紫菜同醬油，同牛油果非常夾，可以一試！
\ 🥚醬油鳥蛋 ($38) /店家用秘製嘅日式醬油醃製，非常入味，鵪鶉蛋生熟程度剛好，蛋黃軟身，非常適合做下酒前菜!!!
\ 🥟雞皮餃子 ($68) / 之前係日本居酒屋食過，估唔到呢到都有!! 以雞皮取代傳統餃子皮，食落去有雞油香氣，外皮炸到金黃酥脆，內餡軟嫩多汁！咁惹味絕對係下酒良伴，推介!!
\ 🍣刺身5点盛り ($280) /餐廳嘅海鮮都係日本市場直送 而且會有季節時令
5点有海膽、油甘魚、吞拿魚、帶子、三文魚
所有魚生片都係厚切 而且非常新鮮肥美 帶子非常鮮甜
\ 🍤吉列童星蝦3只 ($88) /點解叫童星蝦？因為店家特別係炸粉沾上童星點心麵，令到炸皮分外酥脆，即使係放左一陣子，個吉列外皮依然非常酥脆，而且主角蝦都好新鮮爽甜，鐘意食熱氣野嘅絕對不能錯過！
\ 🍡夢幻燒鳥盛合6串 ($198) /串燒即叫即燒 一上枱就聞到好香嘅烤肉味
盛合包括手羽、雞頸肉、雞三角軟骨、雞心、雞扒肉、雞尾
全部都係日本直送雞肉 即使燒過都係鮮嫩多汁
調味方面 店家非常用心 會用不同嘅醬料或調味粉去烤
個人最鐘意就係雞頸肉+雞三角軟骨，而雞尾都有驚喜!
\ 🍚鰻魚炒飯 ($158) /用日本珍珠米炒到粒粒分明 而且每粒飯都有鰻魚醬汁包圍
鰻魚切粒處理 完全無食到骨 超好味!!
\ 🍍冰菠蘿Highball ($68) + 🍑白桃梳打 ($52) /無諗過真係一大舊冰菠蘿插喺個杯到，飲落去夠晒清甜，同行朋友唔好酒都話好味，非常適合女仕們，飲晒之後菠蘿仲可以做飯後甜品，好甜!!
白桃梳打略嫌桃味未夠突出，但唔會太甜，適合無酒精人士～
當日隔離枱坐左6位西裝男士，相信佢地都係岩岩放工過黎飲酒食飯消遺，好有日本居酒屋嘅氣氛!! 而我自己同朋友食下飲下傾下計，不知不覺都坐左三個鐘!!整體黎講，無論環境、氣氛、服務、食物質素都值得稱讚，而且唔會有限時趕你走，推薦繁忙嘅上班族黎享受一個放鬆嘅晚上～
張貼
