一風堂 (德福廣場) (已結業)

大年初二晚, 市面比平日靜多了~ 今晚心血來潮想食拉麵, 就決定嚟呢度踫一踫運氣 ^^ 因為平時呢度其門如市一樣, 好難等位… 所以從來都未試過! 哈哈, 今晚跟想像中一樣, 真係唔使等呢 (≧∇≦)餐廳嘅環境都唔錯, 用上大量紅, 白, 黑色做對比, 出奇地協調!枱面上放了多種調味料供客人隨意使用 ^^ 夠細心!男友點咗個 "我的拉麵" - 咖喱辣肉湯底配雜錦配料, 另加了温泉蛋, 日式雲吞 & 水煮野菜 ^^ 湯底好濃郁, 叉燒好入味好稔, 雲吞好滑溜, 温泉蛋好惹味, 野菜好爽口!而我就點咗 "特製札幌味噌拉麵", 內含: 叉燒, 豚角煮, 鹽味半熟蛋 + 粟米 ^^ 不用多講, 味噌湯真係好濃郁, 叉燒 & 豚角煮都好入味好稔, 鹽味半熟蛋有流心嘅效果, 粟米亦好清甜!另外, 我哋亦點了 "炸紫菜墨魚鬚", 墨魚鬚好爽口, 同紫菜異常地合拍 ^^ 墨魚鬚嘅炸粉亦好薄, 食多幾件都唔覺膩!因啤酒做緊買一送一嘅優惠, 我哋都點咗個朝日生啤湊吓熱鬧 ^^一向不太熱愛連鎖店嘅我倆, 今晚都食得好開心, 並對連鎖店有點改觀 *^O^*