Deer Kitchen (The Wave) (已改名) 查看

星期五當然要同女友出街食晚飯慶祝週末既來臨😎，今次揀左觀塘嘅Deer Kitchen，一入門口就見到搶眼既雀籠卡位，環境主要以綠色為主。我地叫左一個set dinner同意粉，set dinner係焗威靈頓三文魚，另外仲有前菜、餐湯同飲品。- 黑松露意大利雲吞雲吞餡既磨菇味好香，黑松露醬幾濃郁，加上雲吞上面既碎條，口感豐富👍🏻。不過略嫌雲吞皮有啲厚。- 焗威靈頓三文魚酥皮金黃香脆，三文魚肉質嫩滑，外層有菠菜，菠菜夠乾身唔會令威靈頓三文魚變得太濕潤，仲有配材包括紫薯蓉同蕃茄，紫薯蓉份量好多。- 香濃芝士煙肉煙斗粉煙斗粉外型超似通心粉，不過大粒好多。口感煙韌，上面鋪滿煙肉碎同芝士碎，整體味道creamy惹味。- New York Sour New York Sour係餐廳signature cocktail之一，主要以whisky為主。飲品分左三層，打卡一流。味道方面，味道酸酸地幾開胃，飲完成個人好清爽。- 接骨木花檸檬梳打個人認為比較細杯，不過味道唔錯，可以解膩。總括而言，Deer Kitchen嘅威靈頓三文魚一定要試，佢地set dinner唔算太貴，價錢大約$218-318。