心選 (已結業)

旺角平時多人到密不透風，餐廳更是等位等到傻，最近鬧市不再旺，條街靜左咁多，我梗係要出去支持下啲小店，順便見下響屋企悶到傻既朋友。以前學生時代最常去既樓上cafe，通常星期六日都可以爆滿，今日就要去重拾舊時既感覺，今次揀左呢間第一次去既cafe，一入到門，店員已經馬上叫我地睇睇門前嘅衛生守則，處理好口罩及消毒，方可內進。一入到Cafe，就見到全部位置都係梳化，而且高過人頭，令食客可以有自己的舒適區，不受隔離枱打擾，另外Cafe必備的桌上遊戲亦很齊全，枱上亦放置了消毒噴劑可供食客使用，點餐後，職員亦會馬上收起餐牌消毒一次，令人很放心在此用餐。最後點了兩個假日午市套餐白汁吞拿魚蘑菇長通粉 $88，免費配餐飲選了奇異果綠茶，同埋黑椒煙肉炒意粉$88，免費配餐飲選了荔枝紅茶。雖說是店子小小得2個人煮野食，但食物真係看出是有心機整出黎，又有伴碟擺盤設計，2款不同特色既pasta 都香濃入味，炒意粉上菜時還有煙出，証明即叫即整夠哂熱。食完野店內仍然係一個好舒適既環境可以玩下game 同傾下計，大梳化絕對有助放鬆心情。