有口福

營業中

休息中

九龍城呢間小店《有口褔》絕對會令你回頭，酸菜魚係首選，小菜都值得一讚。呢度聘請正宗四川師傅，落完單，聽到裏面嘅鑊氣聲，舐舐脷等食。酸菜魚(少骨)~ 呢度嘅招牌菜酸菜魚真係好值得食，上菜時已經聞到香噴噴，魚帶少少骨，食落更香，魚肉夠滑，配菜除咗酸菜，仲有芽菜及筍片，水晶粉索曬湯汁更加美味。肥豬仔午餐肉~食酸菜魚唔係乜都可以加，酸菜魚味道同午餐肉都好夾。鮮沙薑炒雞~即叫即磨新鮮沙薑，好有誠意，雞件炸香，然後加入配菜落鑊炒，炒得特別香口。炸普寧豆腐~即叫即炸，外脆內軟，呢個豆腐特別軟滑，配一個高湯加少少韭菜粒，味道特別可口。店員非常友善，殷勤招待，有耐性也樂意解釋餐牌，欣賞！