燒鬼 (已結業)

今日心郁郁想食日式燒肉，就試下呢間用日本民間妖怪傳說為主題嘅餐廳啦👻 裝潢玩味十足，而且有卡位同唔算多人，坐得好舒服🥰！食物亦好高CP值，不論係魚生定牛肉都好新鮮～食物份量非常多，叫兩個餐都夠曬3個人食。👍🏻五品燒肉盛合 $198 ☞泡菜豆腐、美國牛小排拼盤（牛小排、封門柳、牛肩胛肉眼、牛板腱、牛舌）、越南虎蝦、三文魚刺身、三文魚味噌湯、燒鬼飯雖然唔係和牛，但都好好味，肉夠腍😍 最鍾意牛肩胛肉眼同牛舌！三文魚刺身好肥美好新鮮，好開心食燒肉有埋刺身！另外，三文魚味噌湯好足料，有啖啖三文魚肉同豆腐粒😋 燒鬼飯就係有紫菜、牛柳粒同温泉蛋嘅飯，好大碗好豐富。🤰🏻大滿足 $398 ☞泡菜豆腐 、鹿兒島和牛拼盤（A4牛小排、A4牛木橫膈肌、A4牛腹脅、A4牛胸腹、牛舌）、海鮮船（越南虎蝦、帆立貝、鮑魚、青龍蝦）、三點刺身（三文魚、帶子、甜蝦）、三文魚味噌湯、燒鬼飯呢嘅價錢可以食到鹿兒島A4和牛都算係咁啦～😆 和牛油脂分佈平均，肉質鮮甜好香牛味。叫呢個套餐可以試到唔同部位，好滿足😛 海鮮船最深刻就係帆立貝同鮑魚，一啲都唔靭！三點刺身又可以一次滿足曬我三個願望，因為我最鍾意呢三款刺身。😬 Overal