影片
更多
2023-05-10
178 瀏覽
第一次打咁長篇嘅食評，週末去完Oldish，首先叫咗個Cheese Beef Burger $158，Add On $30叫咗杯熱Latte飲，個Burger味道唔錯幾好食，又有沙律同薯條，Burger塊芝士同牛肉都好食嘅，因為我坐正咖啡機隔離位置，有望住佢沖，發現有以下問題，1) 咖啡槽入面無fill到咖啡豆，用糟內剩餘嘅咖啡豆/粉，2) 無磅過拎幾多咖啡粉沖，3)個Shot 10秒都無就出哂，4) 盒奶無Keep住係雪櫃長放係啡機隔離，5)奶打得唔夠熱影響甜度，6) Mixing得唔好影響啡同奶嘅融合，仲有d沖啡一定會做嘅details位都無做到，呢杯咖啡係唔合格嘅🫠🫠🫠最後食Tiramisu，但好失望，Tiramisu未出，已經見佢出定個Espresso Shot出嚟，等咗幾分鐘先同Tiramisu一齊上，一淋完個Shot食一啖就即刻倒返哂d Espresso出嚟，因為個Espresso Shot出得太差太苦澀，令到個Tiramisu扣咗好多分🫠🫠🫠而個Tiramisu本體Frozen咗雪到好硬好硬，完全唔係平時食Tiramisu嘅口感，我無做好Research，唔知道個‘雪糕’
最後食Tiramisu，但好失望，Tiramisu未出，已經見佢出定個Espresso Shot出嚟，等咗幾分鐘先同Tiramisu一齊上，一淋完個Shot食一啖就即刻倒返哂d Espresso出嚟，因為個Espresso Shot出得太差太苦澀，令到個Tiramisu扣咗好多分🫠🫠🫠
而個Tiramisu本體Frozen咗雪到好硬好硬，完全唔係平時食Tiramisu嘅口感，我無做好Research，唔知道個‘雪糕’係咁硬，硬到匙羹都不唔到，仲要用Burger刀切，個Espresso shot又唔夠熱令Tiramisu解凍，店員上枱時無同客人講聲需要少少時間解凍，一般Tiramisu有嘅酒味我食唔到，咖啡就好苦要倒走…只能講夏天當 ’雪糕’ 食係幾消暑嘅，$88一個Tiramisu真心覺得佢唔值…最後食完之後我肚痛😮💨😮💨😮💨
可能會有人講 ‘要飲咖啡都係去返咖啡店啦’，正正因為Tiramisu係跟個Espresso Shot一齊上，Espresso得唔得會直接影響到個甜品，相輔相成，自然應該要有基本嘅要求…所以我一開始先打咁大段咖啡方面嘅意見，BTW我覺得一間餐廳都要兼顧好所有出品，包括飲品，如果唔係唔應該放係Menu上🫣🫣🫣
服務方面，淨係見2個樓面男女間唔中調下情，其他客人舉咗好耐手都唔知…但態度就正正常常🙄🙄🙄
環境方面，Old School同殘舊都係一線之差，見地下都幾多垃圾…
P.S.臨走前我見到佢有fill咖啡豆…
張貼
