Pepper Lunch (新都會廣場)

營業中

休息中

午餐時份都預咗去邊間都多人，排隊等食pepper lunch，在門口排咗大約3個字就入得，比想像中快。先在門口收銀處落單，然後侍應就會將餐送到你枱。今次試咗期間限定的牛五花燒肉丼，配搭紫菜拌飯及燒肉汁。一上枱，馬上被鐵板的嗞嗞聲吸引。牛五花仲係好生、鮮嫩粉紅的狀態，隨著鐵板的熱力逐漸變色，牛肉的油香亦隨之散開，香氣強勁。食開五成熟的，將牛肉香煎幾分鐘就食得。旁邊還有香煎荷包蛋、經典的粟米粒粒、微辣泡菜以及西蘭花。最好食的方法，就係將紫菜拌飯以及以上所有配料都撈埋一齊拌食，不過怕肥的我不想白飯吸滿邪惡的牛油，所以分開食。滋味一定無拌食咁惹味，不過牛五花的質素都算不錯，都算性價比高。