影片
更多
2020-11-02
497 瀏覽
同2位朋友到餐廳晚餐，雖然係星期日晚，但可能大家哈囉喂後都要休息下，所以好多空位。餐廳都因抗疫，而每枱都隔好遠，好適合吹水!老闆娘都好好吹水，好友善，整晚感覺都不錯。晚餐方面，叫左是拉差雞翼，係單骨嘅，好易食，味道夠入味!然後又有是冧彈雞見求，睇佢個樣仲諗住un un地，點知醃得唔錯，比想像中滑又淋!再嚟有推介嘅海鮮薄餅，可能第一次食，有啲開眼界，第一下唔知點落手，唯有同認知嘅薄餅一樣咁食吧又真係幾好食喎，估佢唔到有魚片，味道又真係夾!之後仲有個扎肉撈粉，呢個就一般啦。3人叫左3杯飲品，我就只可以評論自己嗰杯啦! 我嗰杯係青椰奶茶，想叫少甜，但老闆娘話叫我自己落嘅，點知嚟到係一杯奶茶同一樽仔白色奶，先飲一啖茶底，咦，竟然係泰國奶茶無糖版，又幻想唔到加椰奶係點，加少少，好香椰味!! 但唔夠甜，再加下加下，最後加晒先夠，又香又好飲，幾有驚喜!總結呢間餐廳係吹水不錯嘅地方，食物又比想像中好，有驚喜(睇完食評可能就無左呢個驚喜)以中環嚟講價格又真係好平!! 每人埋單$153。食完呢餐，又要做多啲運動先得!
老闆娘都好好吹水，好友善，整晚感覺都不錯。
晚餐方面，叫左是拉差雞翼，係單骨嘅，好易食，味道夠入味!
然後又有是冧彈雞見求，睇佢個樣仲諗住un un地，點知醃得唔錯，比想像中滑又淋!
再嚟有推介嘅海鮮薄餅，可能第一次食，有啲開眼界，第一下唔知點落手，唯有同認知嘅薄餅一樣咁食吧又真係幾好食喎，估佢唔到有魚片，味道又真係夾!
之後仲有個扎肉撈粉，呢個就一般啦。
3人叫左3杯飲品，我就只可以評論自己嗰杯啦! 我嗰杯係青椰奶茶，想叫少甜，但老闆娘話叫我自己落嘅，點知嚟到係一杯奶茶同一樽仔白色奶，先飲一啖茶底，咦，竟然係泰國奶茶無糖版，又幻想唔到加椰奶係點，加少少，好香椰味!! 但唔夠甜，再加下加下，最後加晒先夠，又香又好飲，幾有驚喜!
總結呢間餐廳係吹水不錯嘅地方，食物又比想像中好，有驚喜(睇完食評可能就無左呢個驚喜)以中環嚟講價格又真係好平!! 每人埋單$153。
食完呢餐，又要做多啲運動先得!
是拉差雞翼
20 瀏覽
0 讚好
0 留言
是冧彈雞見求
46 瀏覽
0 讚好
0 留言
張貼
