博多拉麵別天神 (已結業)

剪完髮經過呢間小店,又肚餓咪入去食碗麵囉。見門口有部賣拉麵機覺得好有日本feel(不過周圍都有啦)。坐低後,覺得裝修同燈光都好舒服,間舖仲不停播放日本歌,真係有少少覺得似去咗日本食拉麵嘅。 先上左個小龍蝦沙律,估唔到有五塊紫菜仔畀我包沙律喎,仲估唔到咁好味添呀!跟住就嚟碗拉麵啦,見到牆上貼上介紹,話湯底係每朝新鮮熬製,绝不含味精、牛乳同豬骨粉,都有啲懷疑。因為我係味精敏感嘅,一食就知有冇味精喇。呷一口湯真係冇味精喎,仲好滑口添。再試啖麵,軟硬度適中;糖心蛋軟硬度同溫度適中;係嗰幾塊叉燒一般啲囉。最後要介紹埋個蒜蓉同埋紅薑絲,好好味,我添食左呢兩樣配菜。 總括嚟講,價錢同水準比例合理,可以再食一次。👍