十三姨 (通菜街)

營業中

休息中

之前係通菜街搵野食，經過呢間好多人排隊就諗住試吓，攞咗飛都唔係等咗好耐就入得。入到去坐低都未打開餐牌侍應就送上茶同彩色蝦片好貼心。餐廳環境唔算好大座位有啲逼夾多數要搭枱坐。不過室內環境有中餐廳特色，有古色古香客棧嘅特色。🍲十三飛 $80湯麵入邊有安格斯牛肩胛，溏心蛋，仲有腸粉驚喜地幾夾碗湯麵。而牛肉係半生熟上入口即溶，口感好嫩份量亦好足。最開心係可以雙拼麵粉絲併米粉一次滿足兩個願望。個湯係唔錯，但越食越鹹。🍜炙燒雞叉燒湯翠玉瓜麵 $84呢碗個湯就同十三飛唔同，而湯麵入邊有雞叉燒，溏心蛋。。諗住試吓唔同麵，就揀咗加錢轉青瓜麵，點知真係無揀錯，翠玉瓜麵好驚喜，對於想減肥嘅人嚟講，我會超級推介，又飽肚又清爽，有好健康感覺好似食好多都得。另外佢個雞叉燒都好特別個樣好似日式叉燒，但係食落好嫩滑嘅雞肉。🐙椒鹽魷魚絲 $38魷魚份量唔算多，但味道唔錯炸得幾脆，當小食送麵食都幾好。整體嚟講兩碗湯麵都有驚喜同出色個湯係幾好飲，不過飲到最後係有啲鹹要不停飲水。絕對會再食個翠玉瓜麵真係唔錯。