Artisan Garden Cafe (已結業) 查看

西環一帶而家好多小店cafe，其中一個星期六下午我就去左呢間。完全係求其入一間，連佢賣咩都唔知就入左去，結果有驚喜。朋友點左個牛扒牛油果沙律，牛扒唔錯，有牛味又唔會硬，沙律菜好新鮮，醬汁啱啱好。個窩夫完全係驚喜，本身唔鍾意食咸窩夫，所以我原本係想點炸雞漢堡包，點知朋友聽錯，點左炸雞芝士窩夫。炸雞皮脆肉滑，又多肉汁，好食過連鎖店好多，窩夫加芝士加炸雞出奇地配合，扭轉我對咸窩夫嘅印象，佢個窩夫都好好食，外脆內林。仲有杯signature iced tea都好飲，好襯食炸雞，但我唔記得影相。