越．男

營業中

休息中

一踏入門口有種去咗旅行嘅感覺，餐廳裝潢很有越南風格，牆上有具越南特色嘅塗鴉，好靚好適合打卡，好幾年冇去越南玩喇，真係咩感覺都返晒嚟。餐廳環境唔大，枱與枱之間距離有啲迫狹。用餐時間係星期六下午，人唔算多。落單經QR碼，落咗單會一次過網上比埋錢，都幾方便。一個套餐有主菜、小食，飲品。價錢還好唔算貴。會安生牛肉湯河⁸⁵湯河充滿九層塔香味，湯底清香撲鼻，鮮味濃郁。青檸同辣椒係自助形式，隨自己喜好加多加少都得。生牛肉質嫩滑，有牛味有咬口。香蒜牛油雞翼雞翼表面炸得金黃香脆。不過雞翼味道偏淡，食唔出香蒜亦沒有牛油味。油份偏多食完兩隻雞翼，兩大攤油仲係個碟上面。越式煉奶咖啡味道淡，感覺似三合一沖出來仲要加咗好多水溝稀晒果種。