Chapter 3 Steak Bar & Restaurant

營業中

休息中

同朋友在世紀廣場行完街，行去太子食飯，見到呢間餐廳裝修幾有情調，所以決定試一試。炭燒澳洲安格斯肉眼扒 $178牛扒有炭燒的獨特香氣，表面有一條條坑紋，雖然有少量筋，但不會鞋口。牛扒下面有滑身的薯蓉同帶有羅宋湯味道的雜菜，食完好飽。招牌海膽明太子忌廉手工意粉 $175意粉軟硬剛剛好，份量多，醬汁掛身，有不同配料，鹹香的明太子、海膽及脆卜卜的海量蟹籽，加上洋蔥及青椒，有不同的口感變化。龍蝦海鮮忌廉湯 跟餐+$28 本身+$22會有餐湯及餐飲。同朋友都轉了龍蝦湯，有鹹鹹的海鮮味，湯入面有魷魚同蜆肉。飲品方面，我選擇了芒果熱情果梳打（特飲跟餐+$35），味道清新。養生又怕凍的朋友就選擇了跟餐的熱朱古力，甜甜的又暖胃。鵝肝多士 跟餐+$42一件 （兩件起）鵝肝多士不算大件，但同朋友都鍾意食，所以$42一件都照叫，鵝肝有油香，麵包香口。芝士煙肉焗蠔 跟餐+$58兩隻焗蠔配上煙肉及芝士忌廉汁，味道不錯。餐廳裝潢有情調，牆上有不少特色嘅壁畫，雖然有電視直播足球比賽，但氣氛不會太嘈，可以同朋友傾到計。