香葉灣 (小西灣廣場) (已結業) 查看

一直都想試下呢間店，但次次都係去左另外食店進餐，今晚終於可以試到了。佢哋樓面得幾個員工，我叫左好耐終於可以叫到個職員過來落單，雖然佢地做到踢晒腳，但服務仍然令人感到滿意的，對客人都好好禮貌。青咖哩牛脷飯：雖然唔夠辣，但甜甜地都幾好味，咖哩汁好多，可惜主角牛脷只有四片，薯仔只有兩舊，飯既份量亦少左啲，女士們就可能剛剛夠飽，但男士們就一定唔夠飽。魚片豬頸肉喇沙：湯底都算香，只有微微辣，適合唔食得辣既客人，唔錯，豬頸肉好味，不過個粉底就差左少少，如果彈牙返少少就會更好。乾炒牛河：賣相幾靚，唔會太油，味道亦挺不錯，唔會覺得咸，如果可以落多少少牙菜就了，因為我覺得乾牛河同牙菜真係好friend，亦可能因為我個人喜歡食牙菜吧。沙爹肥牛粉絲鍋：甜左啲啲，不過撈飯都還是不錯，可以都係一個問題，主角肥牛的份量少左啲啊。總結，味道唔錯，員工有禮，值得試完再encore，只係份量方面如果多返啲就更好了。