更多
2022-08-12
51 瀏覽
先講講由於屋企搵返黎嘅料都質素好過出面食，而又平啲，平時我係好少出街打邊爐。今次係因為突然想食重慶麻辣同埋見到有內臟食所以先揀呢間。一坐低佢哋就俾咗一碗細糖水，等客人唔好一嚟就食辣刺激個胃。呢啲service俾人感覺好有誠意，印象會加分。嗌咗一個鴛鴦鍋。一邊麻辣中辣，一邊豬骨湯。辣湯底：對於食開辣嘅人嚟講可能唔夠辣。咁我見唔係好多客就問下有冇得加辣，個侍應都好好即刻攞多兜辣汁出嚟加落去。味道都算濃郁，係幾好，但唔係話特別標青。豬骨湯底：反而呢個有啲驚喜。平時出街打邊爐，個清湯都係淥下菜，淥下啲唔落得辣嘅嘢食，但呢個湯底我偶爾都會淥下唔同嘅食材，因為個豬骨味的確幾香。佢比起專門食豬骨煲嘅湯底冇咁甜，偏鹹少少，都好食，純粹睇個人喜好。食到最後我食埋骨入面啲骨髓！啲料都真係有啲料到！內臟最緊要乾淨同新鮮，呢度做到。香港嚟講選擇算多。但我上網睇返個menu，好似唔齊？（落單係用手機落，可能有啲嘢唔係成日有所以冇print喺菜單，淨係落單嗰時會見到）肉類反而冇咩叫，同埋其實可以留返啲quota食其他嘢。叫咗一份羊，還好，鍾意食羊嘅略嫌唔夠羶。一份嫩牛，麻麻，似係夾硬“乸”鬆啲肉質。另外仲有一份牛
今次係因為突然想食重慶麻辣同埋見到有內臟食所以先揀呢間。
一坐低佢哋就俾咗一碗細糖水，等客人唔好一嚟就食辣刺激個胃。呢啲service俾人感覺好有誠意，印象會加分。
嗌咗一個鴛鴦鍋。一邊麻辣中辣，一邊豬骨湯。
辣湯底：對於食開辣嘅人嚟講可能唔夠辣。咁我見唔係好多客就問下有冇得加辣，個侍應都好好即刻攞多兜辣汁出嚟加落去。味道都算濃郁，係幾好，但唔係話特別標青。
豬骨湯底：反而呢個有啲驚喜。平時出街打邊爐，個清湯都係淥下菜，淥下啲唔落得辣嘅嘢食，但呢個湯底我偶爾都會淥下唔同嘅食材，因為個豬骨味的確幾香。佢比起專門食豬骨煲嘅湯底冇咁甜，偏鹹少少，都好食，純粹睇個人喜好。食到最後我食埋骨入面啲骨髓！
啲料都真係有啲料到！內臟最緊要乾淨同新鮮，呢度做到。香港嚟講選擇算多。但我上網睇返個menu，好似唔齊？（落單係用手機落，可能有啲嘢唔係成日有所以冇print喺菜單，淨係落單嗰時會見到）
肉類反而冇咩叫，同埋其實可以留返啲quota食其他嘢。叫咗一份羊，還好，鍾意食羊嘅略嫌唔夠羶。一份嫩牛，麻麻，似係夾硬“乸”鬆啲肉質。另外仲有一份牛丸，唔掂，散嘅，又唔香，可以慳返。都係食其他嘢好。
小菜叫咗一份酥肉，炸得唔錯，味道都合格，肉質唔會柴。火鍋店嚟講，想食嘅話都可以嗌嚟食。
雖然整體價格高，但啲嘢飲其實好抵。啤酒一jar $88 倒到4~5杯。另外杯特飲都係幾十蚊一大杯。
整體係有啲貴，兩個人埋單過千（不過本身大食，我諗3個人都夠食哈哈）但絕大部分嘢都合格有突，而且有內臟食（屋企難搞啲），所以就算呢個價都會想再返嚟食~
張貼