肥龍美食

營業中

休息中

肥龍美食嘅炸雞肶真係一試就愛上，炸粉唔算厚，而且一食落口，感覺到有一種好奇特嘅香味，但應該唔係籽然粉，淮鹽嘅份量落得啱啱好，如果想刺激D，仲可以叫阿姐加辣粉，真係幾辣，雞肶炸得外皮香脆，雞肉嫰滑肥，yummy！呢度除咗炸雞肶OK之外，其他嘅小食如煎釀三寶同碗仔翅、雞翼尖及雞中翼味道唔錯，咖喱魚蛋夠香辣，廚師腸仔當沾上咖喱汁嘅時候，又有另一番滋味，而且呢度一到深夜，更會設有堂食服務，阿姐會開枱櫈比光顧嘅食客用餐，幾好，幾好呀！