S2 Kitchen (已搬遷) 新店位置

Item: S2 Kitchen
Rating: 5
Author: ccpchuang

844 食評

味道

環境

服務

衛生

抵食

26091

中環

$401-800

日本菜壽司/刺身串燒居酒屋

712

ccpchuang

等級4

130

太耐無寫食評，中環S2實在令我忍唔住要重揮筆墨寫食評！一坐低，店員比左我地每人一對木製即棄筷子頭，入落去會重用既筷子入面，第一次見，好特別呀，同埋非常衛生！十層海膽杯一層層既海膽杯未食，就咁望落已經覺得好開心！賣相係100分！逐層揭秘，最底係海帶碎，海帶食落咸咸地，融化係口入面又有種鮮味，似乎係要新鮮海帶先做到呢個效果！上一層係北海道紫海膽，入口即溶，甘香無比！再上一層就係松葉蟹肉，之後就係北海道紫海膽，再泥就係爽口既白蝦，上一層係三文魚子，曾經係第二度食過好腥既三文魚子，令我對三文魚子有種恐懼，但係呢個三文魚子粒粒飽滿，咬落去卜一聲，魚油充滿住成個口，好香，一啲都唔腥，一不離二二不離四，愈食愈停唔到口！上一層係藍鰭呑拿拖羅，帶有少少筋，同三文魚子一齊食係perfect match！三文魚子有少許咸味，帶岀拖羅既鮮美，每一口都係將三文魚子同拖羅一齊滑入喉嚨，鮮甜既味道絕對不會被最上面既北海道紫海膽蓋住！仲有香甜帆立貝同脆卜卜海葡萄，食幾啖又見到紫海膽，絕對係我呢個海膽迷既大愛！配上一塊燒白飯魚脆片，兩極既口感為呢個海膽杯起左個好頭！海膽燒岩蠔岩蠔不嬲都係我至愛，面頭仲有足料海膽加上脆卜

太耐無寫食評，中環S2實在令我忍唔住要重揮筆墨寫食評！

一坐低，店員比左我地每人一對木製即棄筷子頭，入落去會重用既筷子入面，第一次見，好特別呀，同埋非常衛生！

十層海膽杯
一層層既海膽杯未食，就咁望落已經覺得好開心！賣相係100分！
逐層揭秘，最底係海帶碎，海帶食落咸咸地，融化係口入面又有種鮮味，似乎係要新鮮海帶先做到呢個效果！上一層係北海道紫海膽，入口即溶，甘香無比！再上一層就係松葉蟹肉，之後就係北海道紫海膽，再泥就係爽口既白蝦，上一層係三文魚子，曾經係第二度食過好腥既三文魚子，令我對三文魚子有種恐懼，但係呢個三文魚子粒粒飽滿，咬落去卜一聲，魚油充滿住成個口，好香，一啲都唔腥，一不離二二不離四，愈食愈停唔到口！上一層係藍鰭呑拿拖羅，帶有少少筋，同三文魚子一齊食係perfect match！三文魚子有少許咸味，帶岀拖羅既鮮美，每一口都係將三文魚子同拖羅一齊滑入喉嚨，鮮甜既味道絕對不會被最上面既北海道紫海膽蓋住！仲有香甜帆立貝同脆卜卜海葡萄，食幾啖又見到紫海膽，絕對係我呢個海膽迷既大愛！配上一塊燒白飯魚脆片，兩極既口感為呢個海膽杯起左個好頭！

海膽燒岩蠔
岩蠔不嬲都係我至愛，面頭仲有足料海膽加上脆卜卜魚子，又係口感同味覺既一級享受！必食！！！

芝士魚餅
芝士味唔太濃，但咬一啖就有芝士慢慢流岀泥，忍唔住一啖接一啖！

8 瀏覽

0 讚好

0 留言

牛油果帆立貝洋風海膽沙律
蒲上枱就諗，我有叫到火鍋咩？一打開蓋原來係沙律，哈哈，用個煲裝住沙律都幾特別
本以為海膽沙律咪又係果啲，喺沙律上加啲海膽囉，但入面幾種唔同口感令我對呢個沙律有好深刻既感受
沙律菜非常脆，帆立貝鮮甜軟滑，海膽甘甜無比，牛油果啱啱好唔會太軟又唔會硬，配上黑椒粒同埋香草碎更能突顯牛油果既香味，中意食沙律既人一定會超中意呢個！

鮑魚雞翼
哇，好香既酒味呀！原來啲鮑魚用清酒浸左一晚，然後釀係雞翼入面，一路咬，鮑魚既甜味同清酒既味道愈來愈濃，配酒一流！

特色海膽火焰卷
飯入面係青瓜雞蛋蟹柳，面頭係芝士蟹籽海膽，用火焰配襯住岀場，啲火一熄就即刻食，感覺好似特別新鮮

雲海板上飄
同乾冰一齊上陣，真係好似雲上飄咁！
呢個真係十分之好食！凍冰冰滑嘟嘟既蒟蒻麵十分之爽口，配上鮮打秋葵汁，完全唔會有一般秋葵既透明黏液痴住係度，打破我對秋葵既反感，黑松露配上海膽互相輝映，大家唔會搶去對方嘅風頭，黑松露獨有既香味，海膽既鮮甜，一同並存係舌頭上再滑入喉嚨，一次過滿足晒兩個願望！