Bove (已結業)

梳乎厘班戟熱潮退後，留得係度都有一定名氣，之前一直想試依間，但無奈一直搵唔到！今次偶然轉角發現，果然搵食唔能夠靠地址，原來仲有幾間一直無發現。當日某此原因好多舖無開，人流亦比平時少，所以難得有開都只係等幾份，當然每份時間都好長，但唔算過份。原味配蜂蜜，剛食完辣蜂蜜非常適合，甜度剛好，粉開得幾滑，微蛋香，欣賞佢厚身之餘中間亦唔會流心。自從流行半熟蛋糕，樣樣都話要流心，細個學做蛋糕，中間液態叫失敗！更唔好話流心。蛋糕用生雞蛋，唔熟你話滑蛋都係梗？梗麵粉未熟實多人消化唔到吧？當然腸胃好未得，但我只接受到微濕，流心真係太過份，而佢嘅微濕令質感似布甸，唔會空氣感太重，價錢亦合理，可以話係熱潮中食過最好嘅乎厘班戟！