繼 (已搬遷) 新店位置

太耐冇去日本， 唯有食啲高質嘅日本菜用舌頭嚟懷念日本嘅味道。Omakase是由廚師發板嘅意思。 廚師細心地問我prefer 食邊一類嘅食物繼而決定俾啲乜嘢我去試。今晚已經唔記得咗食咗幾多樣嘢，樣樣都好新鮮、特別， 令我對魚生有一個新觀感！首先廚師安排咗一個醒胃嘅魚子無花果前菜， 呢道菜有淡淡的柚子味道， 酸酸嘅味道打開咗我個胃口！之後嘅魚生，包括有秋刀魚，肥美嘅吞拿魚，左口魚，海膽，魚精， 墨魚，牡丹蝦，生蠔，及貝殼類嘅食物。 以上嘅魚類，基本上對唔食魚嘅我，從來都唔會接觸到。每一件，都好新鮮，肥美，難以用文字來形容！最深刻嘅有秋刀魚， 廚師一開，有一浸怪味撲過嚟，但經過佢處理之後，加上適量嘅配料，放到上碟， 出奇哋冇晒怪味同口感一流， 魚肉肉質爽口。 另外， 魚精， 左口魚配海膽和牡丹蝦等等， 將前面食嘅清新爽口感覺， 完全推去另一個極端， 食完門口有濃濃嘅濃郁味道， 呢個味道喺口裡停留咗好一陣子！呢間Omakase 質素極高， 魚生新鮮特別，雖然價錢偏高， 但質素亦極高， 同朋友耐唔耐嚟食吓好野， 係人生一大樂事！