華星冰室 (克街)

營業中

休息中

星期曰早上對自己好啲，所以就嚟到灣仔華星冰室食個靚早餐。大概中午一點鐘嚟到，已經出現咗人龍啦。大概有10個人係我面前。以為要排好耐啦，點知都算幾快喎，等咗大概10多分鐘就被叫入去啦，可能因為我一個人啦所以比較快。一個女仔嚟食，叫常餐又驚食唔晒，好彩佢出咗個營養餐。營養餐包含牛油多士，火腿同埋炒蛋，仲有奶茶添。主角當然係個炒蛋啦，見到佢話嘟嘟，半熟狀態，真係非常吸引。我習慣將蛋同埋火腿都鋪係多士上面一齊食。真係非一般嘅享受啊。最正梗係仲有杯奶茶飲啦，茶味香濃口感又香又滑。今個星期日嘅早上真係一個好好嘅享受啊。