炉端金 (已結業)

首先佢好近地鐵站，入到去環境幾舒服，坐落去都唔會幾迫，4個人用一個燒爐，即是燒烤都唔會有太大陣油煙味，推介以下幾款菜式，買單一人$386，唔算話太抵食。-1.燒海鮮首先扇貝都幾鮮甜，如果再大隻啲就會食得更加過癮，而且啲蝦都幾新鮮，食落去都幾彈牙，而且燒菠蘿都幾甜，唔會太酸。-2.清酒煮蜆首先啲蜆食落去冇沙，但是偏細隻，食落去好厚肉地。-3.雞翼啱啱炸起，脆卜卜而且醃料都好入味，仲有啲雞嘅肉汁。-4.剌身首先佢個款式都幾多，刺身食落去都幾新鮮冇腥味，而且三文魚個紋路都幾靚，肉質都幾厚實，而且好滑，北寄貝軟糯，魷魚就好爽脆-5.牛肉食落去不過不失，牛香味都ok，食落去正常唔會太韌但亦都唔會太滑，不過選擇就比平時嘅舖頭多啲，但係豚肉太多肥膏，油脂分布不平均，因此太肥食唔落口。總括來講，性價比不算太高。