泰金鍋

營業中

休息中

呢間餐廳幾有驚喜，叫咗個穀飼肩胛牛小排套餐，一人一鍋，夠衛生，來個椰子雞湯同冬陰功湯，泰式嘅湯底之餘，仲有泰式嘅熱食，比想像中好食，海南雞飯、大蝦炒粉絲、串燒等都係我嘅至愛。最特別嘅就係可以活足水流蝦，喺個池度見啲蝦有得幾生猛，捉上嚟放落個鍋度食，雖然有啲殘忍，但呢個體驗好似真係冇咩地方做到。佢都幾多牛嘅選擇，另外蔬菜同肉丸種類都唔少，飲品都有泰式，仲俾我搵到泰式炸春卷同榴槤炸彈，味道幾唔錯。食到飽飽都唔可以忘記甜品，都有泰式嘅風味，有糕點仲有雪條，食到我津津有味。走嘅時候仲見到原來門口係一個打卡位，仲可以着住泰式嘅服裝。每人$268算係幾抵食。