喜來稀肉 (已結業)

好耐冇同老友飲返杯，放假前夕梗要 happy 吓 ，飲啦！Orion & Sapporo一般韓烤會飲韓國燒酒或啤酒，而呢間竟然主打日系生啤，當然咪放過 ！叫左兩款燒肉送酒，一牛一豬，每款都係百零蚊，量多肉靚仔，幾抵食。牛護心肉平民價都食到，好香好淋，一碟兩人分享啱啱好。呢款肉冇醃過，但點小小鹽已經好滋味。喜來五花肉 食韓燒又豈能錯過五花肉？ 今次揀有醃過的，唔使點醬已ok 。燒到全熟，脆脆地又有少少軟骨，送酒一流！海鮮葱餅除咗燒肉，仲叫左海鮮葱餅。最鍾意將個洋葱汁淋上面食，令到成件葱餅內外都係葱，正呀！自家製泡菜無限添加，爽！食滿$500 可以加$1 有台灣鳳梨，復活節限定 ！