影片
更多
2019-06-11
918 瀏覽
來到食肆林立的旺角同朋友食飯，頭痕食乜之際行到創興附近，發現有一間落地玻璃貫穿兩層，樓底特別高嘅餐廳，立即吸引左我同朋友嘅注意。入到去感覺好似去左台灣嘅文青cafe，整體裝修同色調都好一致，俾人感覺好治癒🤣。有別於香港一般嘅餐廳，間餐廳面積真係好大，有兩層，完全無壓迫感👍🏻！廚房係開放式嘅，老闆似係來自台灣嘅一對夫婦，加上員工全部都講台灣腔普通話，非常熱情地招呼我地，感覺好似穿越左去台灣🤪。餐牌係好清晰分左幾頁紙，餐廳主打西式三文治同Risotto，而飲品就包括咖啡(門口位有專業cafe嘅設備)，選擇、soft drink、花茶系列、鮮奶同朱古力，選擇真係好多！我同朋友唔係好揀到食乜好，有個職員好親切咁即刻介紹我地可以嘗試餐廳主打嘅Risotto套餐，非常友善😝，包括左沙拉同餐包，仲有主打daily smoothies，簡單又快捷！不過我地就無另外叫野飲，如果想飲水就要自己出去添飲啦🤓。✨桔梗沙拉沙拉同麵包都係隨套餐配嘅雙人份，沙拉有酸酸甜甜嘅醬，幾提味，特別之處係加左花生粒同粟米粒，咬起上黎口感幾特別。不過有啲偏酸，我同朋友都覺得開胃沙拉黎講係完全接收到，食完即刻胃口大開😉✨無花果奶
來到食肆林立的旺角同朋友食飯，頭痕食乜之際行到創興附近，發現有一間落地玻璃貫穿兩層，樓底特別高嘅餐廳，立即吸引左我同朋友嘅注意。入到去感覺好似去左台灣嘅文青cafe，整體裝修同色調都好一致，俾人感覺好治癒🤣。有別於香港一般嘅餐廳，間餐廳面積真係好大，有兩層，完全無壓迫感👍🏻！廚房係開放式嘅，老闆似係來自台灣嘅一對夫婦，加上員工全部都講台灣腔普通話，非常熱情地招呼我地，感覺好似穿越左去台灣🤪。
餐牌係好清晰分左幾頁紙，餐廳主打西式三文治同Risotto，而飲品就包括咖啡(門口位有專業cafe嘅設備)，選擇、soft drink、花茶系列、鮮奶同朱古力，選擇真係好多！我同朋友唔係好揀到食乜好，有個職員好親切咁即刻介紹我地可以嘗試餐廳主打嘅Risotto套餐，非常友善😝，包括左沙拉同餐包，仲有主打daily smoothies，簡單又快捷！不過我地就無另外叫野飲，如果想飲水就要自己出去添飲啦🤓。
✨桔梗沙拉
沙拉同麵包都係隨套餐配嘅雙人份，沙拉有酸酸甜甜嘅醬，幾提味，特別之處係加左花生粒同粟米粒，咬起上黎口感幾特別。不過有啲偏酸，我同朋友都覺得開胃沙拉黎講係完全接收到，食完即刻胃口大開😉
桔梗沙拉
41 瀏覽
0 讚好
0 留言
✨無花果奶油／香橙白蘭地起司抹醬麵包
啲麵包好爽脆，烤色同溫度都似乎剛剛好，不過食嗰陣要小心d碎可能會跌到周圍都係。配合餐廳特製嘅無花果奶油醬同香橙白蘭地起司醬，感覺好新鮮，我同朋友一致覺得香橙白蘭地起司醬最特別，唔會太甜喧賓奪主，反而配合麵包帶出左另一個層次嘅口感！😝
香橙白蘭地起司抹醬麵包
44 瀏覽
0 讚好
0 留言
✨剁椒牛肉Risotto／ 台灣眷村好味道
黎到重頭戲Risotto，由於朋友唔係好食到辣，見到佢有剁椒同花椒豆瓣醬有d驚會辣，結果食落口完全唔會辣，反而因為結合左唔同嘅配料，令個飯嘅口感變到更豐富！食完幾啖，再督穿個流心溫泉蛋撈埋d飯到，飯的味道再有變化！正啊！
值得一提，個剁椒燉牛肉入口即化，勁入味，鬆化得黎唔會韌，完全停唔到口！😍
剁椒牛肉Risotto
48 瀏覽
0 讚好
0 留言
剁椒牛肉Risotto
36 瀏覽
0 讚好
0 留言
✨海底世界Risotto／海龍王真的來了
呢個Risotto有兩隻龍蝦仔，同朋友share一流唔洗爭～配合奶油同干貝感覺相比牛肉會fresh啲。個龍蝦處理得幾好，肉質都幾鮮嫩，不過對於食肉獸嘅我黎講唔夠喉，貪心想要再大隻啲xd 佢仲有加貓魚同羅勒堅果醬，鍾意食海鮮嘅朋友唔可以錯過！😋
海底世界Risotto
36 瀏覽
0 讚好
0 留言
海底世界Risotto
79 瀏覽
0 讚好
0 留言
Dinner
51 瀏覽
0 讚好
0 留言
✨雙人份每日昔昔／莓果堅果smoothies
個日甜品係莓果堅果smoothies，入面有超多餡，堅果碎同餅乾加埋同冰沙感覺嘅smoothies咬落口，口感幾surprise！整體而言呢間餐廳係細節同配料位真係做得好好！👏🏻👏🏻
莓果堅果smoothies
35 瀏覽
0 讚好
0 留言
張貼
