影片
更多
2024-04-13
278 瀏覽
喺旺角通菜街一直都有好多嘢食，自己幾乎都試過，呢間都算係近期比較新開嘅餐廳。每次經過都好想去試吓，特別係被佢相當吸睛嘅霓虹燈招牌吸引。雖然舖頭嘅人手好似唔係好夠，啲嘢食等得耐咗少少，但係都唔會話影響食物質素。‣ 刺身帶子三文魚籽明太籽手捲粉 $148咬第一啖嘅時候就已經勁鍾意手捲粉嘅口感，相當煙韌，雖然唔至於話去到好似年糕咁樣，但係佢嘅軟硬度適中，唔會覺得太硬或者太淋，搭配埋明太子真係一流。雖然佢明太子嘅味道其實同其他Café都相差唔遠，但手捲粉絕對令到佢變得獨特。‣ 蟹肉明太籽西班牙蛋餅 $98呢個雖然等得有啲耐，但係好好食，蟹肉唔會多都唔會太少，蛋味濃郁，而且中間仲加咗芝士可以拉絲，每一啖都覺得極滿足，比想像中飽肚嘅蛋餅。‣ 髒髒牛角包窩夫 $72自己一直都好鍾意牛角包窩夫，我同朋友喺嗌咗Oreo口味，上枱嗰陣覺得賣相都幾吸引，而食落都真係好重Oreo味。牛角包窩夫嘅外脆內軟配埋半溶嘅雪糕，好鍾意冰火交融嘅感覺，食完就覺得再大份啲就好。‣ Cream Brûlée Coffee $46知道都有幾間Café有Cream Brûlée，之前一直冇試到，但係決定第一次試吓，試完之後真係覺
喺旺角通菜街一直都有好多嘢食，自己幾乎都試過，呢間都算係近期比較新開嘅餐廳。每次經過都好想去試吓，特別係被佢相當吸睛嘅霓虹燈招牌吸引。雖然舖頭嘅人手好似唔係好夠，啲嘢食等得耐咗少少，但係都唔會話影響食物質素。
‣ 刺身帶子三文魚籽明太籽手捲粉 $148
咬第一啖嘅時候就已經勁鍾意手捲粉嘅口感，相當煙韌，雖然唔至於話去到好似年糕咁樣，但係佢嘅軟硬度適中，唔會覺得太硬或者太淋，搭配埋明太子真係一流。雖然佢明太子嘅味道其實同其他Café都相差唔遠，但手捲粉絕對令到佢變得獨特。
‣ 蟹肉明太籽西班牙蛋餅 $98
呢個雖然等得有啲耐，但係好好食，蟹肉唔會多都唔會太少，蛋味濃郁，而且中間仲加咗芝士可以拉絲，每一啖都覺得極滿足，比想像中飽肚嘅蛋餅。
‣ 髒髒牛角包窩夫 $72
自己一直都好鍾意牛角包窩夫，我同朋友喺嗌咗Oreo口味，上枱嗰陣覺得賣相都幾吸引，而食落都真係好重Oreo味。牛角包窩夫嘅外脆內軟配埋半溶嘅雪糕，好鍾意冰火交融嘅感覺，食完就覺得再大份啲就好。
‣ Cream Brûlée Coffee $46
知道都有幾間Café有Cream Brûlée，之前一直冇試到，但係決定第一次試吓，試完之後真係覺得好鍾意。好鍾意佢面頭嘅焦糖脆餅，飲嘅時候真係會諗返起Cream Brûlée嘅味，初時會以為杯咖啡都會變得好甜，但係其實結果唔係，我覺得兩者啱啱好，你仍然都係飲得出咖啡嘅甘苦。
#foodbara_diary
張貼
