影片
更多
2020-02-25
2669 瀏覽
文青天台Cafe！兩點幾同朋友嚟到旺角，經過上海街見到有座新嘅活化大廈，原來頂樓有間餐廳，一於坐低chill下聚舊。室內佈置好靚，室外可以睇到唔同景觀，各有各好。因為今日室外要等位，室內就可以立即入座，我哋二話不說揀咗室內。咖啡室比到我寧靜放鬆嘅感覺，坐得好舒適。手工菠菜餅$50- 菠菜餅原來係煎菠菜餃子，估唔到有驚喜，餃子餡料好鮮味，菠菜碎加其他紅蘿蔔粒、木耳粒炒得入味。不過如果一碟多幾粒餃子就更好。炭燒豚肉玉子蛋吐司配小蕃茄$105- 本來想點煙三文魚太陽蛋薯蓉吐司，不過服務員話賣晒，唯有點另一個試試啦。我都推介呢個吐司，玉子整得好甜好滑，同埋上面有沙律醬，味道好夾，豚肉肥瘦適中，有啲炭火煙熏味道。桂花傳統班戟$85- 班戟賣相幾靚，入面有麻糬，有啲黑糖味道，有煙韌口感，唔錯！味道上，有海鹽芝士忌廉醬同百花蜜，甜甜地，食埋雲呢拿雪糕有入口即溶嘅感覺。推介！一汁三菜便當$140- 我哋選擇炭烤雞肉薯蓉茶漬飯配慢煮太白蛋，可惜有少少失望。服務員建議我地攪混隻溫泉蛋倒落飯度，可惜當我用叉攪拌嘅時候，發覺蛋黃已經變成熟蛋黃嘅狀態，冇流心蛋黃汁食。雞肉偏鹹，薯蓉似係用即食薯蓉粉開，有少少芝士
手工菠菜餅$50
- 菠菜餅原來係煎菠菜餃子，估唔到有驚喜，餃子餡料好鮮味，菠菜碎加其他紅蘿蔔粒、木耳粒炒得入味。不過如果一碟多幾粒餃子就更好。
炭燒豚肉玉子蛋吐司配小蕃茄$105
- 本來想點煙三文魚太陽蛋薯蓉吐司，不過服務員話賣晒，唯有點另一個試試啦。我都推介呢個吐司，玉子整得好甜好滑，同埋上面有沙律醬，味道好夾，豚肉肥瘦適中，有啲炭火煙熏味道。
桂花傳統班戟$85
- 班戟賣相幾靚，入面有麻糬，有啲黑糖味道，有煙韌口感，唔錯！味道上，有海鹽芝士忌廉醬同百花蜜，甜甜地，食埋雲呢拿雪糕有入口即溶嘅感覺。推介！
一汁三菜便當$140
- 我哋選擇炭烤雞肉薯蓉茶漬飯配慢煮太白蛋，可惜有少少失望。服務員建議我地攪混隻溫泉蛋倒落飯度，可惜當我用叉攪拌嘅時候，發覺蛋黃已經變成熟蛋黃嘅狀態，冇流心蛋黃汁食。雞肉偏鹹，薯蓉似係用即食薯蓉粉開，有少少芝士味道。
熱朱古力$42
- 我好鍾意呢度嘅熱朱古力！上層有凍忌廉，灑上朱古力粉，髒髒朱古力味道濃郁，有奶味，唔會好甜！推介！
總括而言，呢度食物質素唔差，環境幽靜，係同閨蜜聚會嘅好地方！下次會再嚟試其他班戟！
手工菠菜餅
$50
55 瀏覽
0 讚好
0 留言
炭燒豚肉玉子蛋吐司配小蕃茄
$105
75 瀏覽
0 讚好
0 留言
桂花傳統班戟
$85
63 瀏覽
0 讚好
0 留言
一汁三菜便當
$140
167 瀏覽
0 讚好
0 留言
熱朱古力
$42
64 瀏覽
0 讚好
0 留言
張貼
