心之食堂 (裝修中)

呢排日日喺Facebook都見到日本櫻花洗版，Yen又跌到六算，真係想飛返轉日本！可惜M佬呢排好忙，成日出Trip，都係畀佢留喺香港休息下啦！去唔到日本，就食下日本菜，今日就嚟到銅鑼灣心之食堂，望梅止渴！燒雞軟骨 + 燒雞腎即叫即燒，所以特別滋味！雞軟骨爽口彈牙，口感豐富；雞腎本身醃咗，非常惹味！南瓜薯餅炸得啱啱好金黃色，好香南瓜味。彩虹卷名副其實嘅彩虹卷呀，色彩豐富。入面係新鮮炸蝦同爽口青瓜，清新美味。香蔥石板牛舌鐵板上非常吸引，好香醬油同蔥味，牛舌爽口入味，非常開胃。原條鰻魚石鍋飯嘩！鰻魚厚身肥美，原條咁上，真係啖啖肉！最正係石鍋飯，有埋飯焦，正！日式炒雜菜食咗咁多嘢，梗係要食返個炒雜菜，清清啦！蔬菜新鮮爽口，正！