施心畢老撾餐廳

營業中

休息中

上星期即興約左同事黎呢度食lunch，今日食過返尋味，又黎食返餐先。餐牌好似一本雜誌，有湯粉，撈粉，飯，沙律，小食，飲品等等，價錢中環黎講真係經濟實惠。是冧彈雞沙律 $78 另加一上次食左是冧彈雞全米椰子湯粉，今餐唔肚餓，叫左是冧彈雞沙律。是冧彈雞份量有6大件，同上次一樣係脆皮炸鷄肉，口感外脆内嫩，今次多d雞胸肉所以感覺唔太滑，不過好多肉食，可惜無左上次個甜甜醬汁味道就差d。沙律其實係青木瓜絲沙律，撈左紅蘿蔔絲同少少青瓜粒加車厘茄，下底墊有生菜，加有脆口花生碎，份量可以，不過我期望沙律份量再多d，因爲話嗮都叫自己做沙律。青檸檬水（跟餐）我以爲係青檸，點知係普通檸檬兩片，失望。我呢個餐埋單$86，座位正常，服務過得去，衛生可以好少少。中環呢個價錢有位坐唔趕客都算好抵食。