利寶閣 (已結業)

飲茶其實不外乎都係食蝦餃、燒賣、叉燒包、鳳爪、雞扎……利寶閣改咗佢嘅作風， 點心紙多咗好多新款嘅點心。 所以我點左啲平時比較少食到嘅點心。 百花球好油膩， 但係入面嘅蝦膠都幾彈牙，蝦膠包藏咗小小嘅芝士，我覺得芝士分量可以多返少少。 呢個一上枱嘅時候，我仲以為侍應俾錯左， 原來佢係芒果沙律卷，個賣相真係好差，食落去都唔覺得係芒果沙律卷， 究竟我食咗啲乜? 本以為呢個會好似黃金糕咁，佢上枱嘅時候我心諗死火啦!都唔方好食㗎喇! 點知出奇不意地 覺得佢幾好食喎! 呢個米糕有少少甜，又有少少咬口，而佢又有少少好似煎燶咗咁嘅味道， 好啱我。 呢兩款係孖寶， 其實我係想食上湯龍蝦伊麵 配唐生菜，但係同事想食呢款。 其實賣相就唔差嘅，但雞有雪藏味，雞胸嘅位好鞋，扣左好多分， 醬汁又冇乜味。而櫻花蝦炒飯，一啲油分都冇， 並唔係指佢 炒得好，係乾到好難先可以吞得落。食物質素就真係好普通呀! 服務更加係劣質， 明明睇到個茶壺冇水都扮睇唔到， 伙記都幾多下，但真係做只有2，3個囉!