影片
更多
2021-09-02
135 瀏覽
深水埗同太子交界嘅幾條街，最近經歷緊大規模轉型，打卡店愈開愈多。但有時候間間都係西式咖啡店、食全日早餐，難免有啲乏味🙈。呢日天氣好啲，食晏行咗去大南街嗰邊，見到有間新餐廳叫「Poke Go」。本身睇門面以為佢都係一般打卡咖啡店，不過見到Poke一字，我就知係食唔同菜式。🌺夏威夷魚生飯(即Poke Bowl)，近年喺香港大受歡迎，四周圍都開咗唔少店，特別係喺商業區。今次開喺深水埗，可算係區內第一Poke店。餐廳星期一至五有提供午市套餐🥢，内容包括主食同飲品，而主食有五款指定組合可供選擇，定價$98或$108。自選款式價錢相若，彈性會高啲，但飲品就要額外嗌。ONO($98)，佢由三文魚、壽司飯、溫室青瓜、雞蛋絲、芝麻、皇帝蟹棒同果仁醬整成，魚生飯無論餸定飯嘅量都一樣咁多😍，唔使驚食唔飽。芝麻加青瓜驟眼睇有啲似火龍果肉，哈哈。我認為呢碗用上三文魚同蟹棒做餸係最大路嘅款式，而且果仁醬亦好易入口，感覺係清新版同甜啲嘅麻醬。🍚壽司飯底偏笠身，撈埋後就掩飾咗呢個弱點，但我認為可改善一下。NALU($98)，佢由八爪魚、壽司飯、櫻桃蕃茄、甜粟米、芝麻、皇帝蟹棒、辣椒碎同辛味蛋黃醬整成，呢碗顏色深啲，較
深水埗同太子交界嘅幾條街，最近經歷緊大規模轉型，打卡店愈開愈多。但有時候間間都係西式咖啡店、食全日早餐，難免有啲乏味🙈。呢日天氣好啲，食晏行咗去大南街嗰邊，見到有間新餐廳叫「Poke Go」。
本身睇門面以為佢都係一般打卡咖啡店，不過見到Poke一字，我就知係食唔同菜式。🌺夏威夷魚生飯(即Poke Bowl)，近年喺香港大受歡迎，四周圍都開咗唔少店，特別係喺商業區。今次開喺深水埗，可算係區內第一Poke店。
餐廳星期一至五有提供午市套餐🥢，内容包括主食同飲品，而主食有五款指定組合可供選擇，定價$98或$108。自選款式價錢相若，彈性會高啲，但飲品就要額外嗌。
ONO($98)，佢由三文魚、壽司飯、溫室青瓜、雞蛋絲、芝麻、皇帝蟹棒同果仁醬整成，魚生飯無論餸定飯嘅量都一樣咁多😍，唔使驚食唔飽。芝麻加青瓜驟眼睇有啲似火龍果肉，哈哈。我認為呢碗用上三文魚同蟹棒做餸係最大路嘅款式，而且果仁醬亦好易入口，感覺係清新版同甜啲嘅麻醬。🍚壽司飯底偏笠身，撈埋後就掩飾咗呢個弱點，但我認為可改善一下。
NALU
$98
13 瀏覽
0 讚好
0 留言
NALU($98)，佢由八爪魚、壽司飯、櫻桃蕃茄、甜粟米、芝麻、皇帝蟹棒、辣椒碎同辛味蛋黃醬整成，呢碗顏色深啲，較為色彩繽紛🌈。味道上我亦認為更出色，因為辣辣哋，好鬼惹味。🐙彈牙嘅八爪魚配上爆汁嘅粟米同蕃茄仔一齊食，相映成趣。呢款丼原本有和式青蔥，但我哋唔啱食所以走咗。如果有特別需要，記得同店員講啊。
梅凍蕃茄($38)，小食我哋有諗過叫蕃茄定炸蓮藕片，最終揀咗前者，不過好彩丼飯都有跟一片炸蓮藕，可以試埋，係幾脆幾正嘅🤤。講返蕃茄先，造型幾得意，去皮後放上一粒大話梅。食一啖成個人即刻醒哂，佢隻酸好矚目，係夾雜幾種酸嘅味道於一身，係一道不折不扣嘅開胃菜🍅。
午餐包指定冷熱飲品，並唔係普通汽水，感覺有誠意。我哋要咗熱麥茶同冷壓菠蘿汁，兩樣造型都幾精美。🍵麥茶連茶壺上，味道好濃郁，兩個人都夠飲。🍍菠蘿汁味道唔錯，還原度極高，好似真係食緊菠蘿咁，唔會太甜。佢
總括嚟講，深水埗而家都有Poke食喇😛，換言之打卡點又多一個，大家可以轉轉口味呢！小店門口位設計好Chill，木系枱櫈同牆身令人感覺舒服🪵，室內環境就行清新簡約風路線，樓底好高，唔壓迫。
張貼
