桔梗 (已結業)

因為平日工作忙碌，難得假日當然想揾個舒服地方hea全日啦，呢間近排hit爆嘅cafe，餐廳大，座位坐得舒服，而且仲非常文青。😌干貝公主意粉 $98 (7/10) 🍝大大粒帶子十分爽口，超多黑松露，味道突岀，連忌廉什菇白汁都很重黑松露，質感很幼滑，我鍾意！💛龍蝦蛋潛艇堡 $148 (7/10) 🦞上面流心煎蛋，一切開蛋漿澎湃咁湧出來。麵包夾住幾舊龍蝦肉，加埋生菜、沙律醬，又幾正、🤪特製雞中翼 $88 (7/10) 🐓炸粉唔算厚，而且十分脆卜卜，啱啱炸起，特別香口，配送咗是拉差蛋黃醬，味道又幾夾。😋炸薯條 $68 (7/10) 🍟幼版波浪薯條，配拉差蛋黃醬，好食到停唔到口。🤩桔梗奶昔 $58士多啤梨奶昔，加埋餅整碎入，幾有奶昔，很有咬口。🍼價錢係一般cafe以上，不過，食物製作一啲都唔馬虎，本來想試吓呢度嘅燉飯，係招牌菜之一，原來只有晚市供應，唯有下次再嚟食過，以下係午餐嘅餐牌。