鳥語 (已結業)

依閒樓上cafe雖然吾大,但係裝修好精緻好有文青,啱晒一班鍾意影相嘅朋友仔。依個沖繩Taco飯賣相好吸引,微辣嘅肉醬配香脆墨西哥脆片,加上大量嘅沙律菜,牛油果賣相吸引,令整體感覺更健康,而且口感更加有層次。意粉醬汁好creamy, 有大量嘅明太子同埋三文魚子,仲有新鮮磨菇同洋蔥,但略為有D鹹。軟殼蟹幾香口,入面有D蛋黃醬,牛油果同沙律菜,蟹柳就冇咩特別,兩款米卷味道都較為淡,需要點醬汁,米卷皮雪得太凍有D韌。香脆嘅薯條配上牛油果醬同松露味醬任點,我個人比較鍾意松露醬,滿口都係松露香氣味,牛油果醬味道亦好香。