餃掂手工餃子雲吞專門店 (已結業)

唔喜歡去大型購物商場揾食嘅我，今日路經太子，一如以往要睇下有咩隱世小店。今次就幫襯呢間好評一面倒嘅餃子店。環境：店舖小小，一定要搭枱。Open Kitchen 設計，有興趣可以過去睇下製作過程。牆上有好多經營理念。幾有趣。服務：很正常，有禮貌。食物：枱上醃蘿蔔好開胃。而且免費。四川涼麵小小辣，花生、炸葱、青葱，同個汁好配搭。煎韭菜豬肉餃即叫即煎，非當香口，而且唔油膩。餡料足夠多，調味亦恰到好處。粟米豬肉湯餃同煎餃一樣，大大隻。但湯底略嫌太淡口。整體出色，價錢可接受，值得再幫襯。