影片
更多
2018-12-31
108 瀏覽
聖誕節兼臨近年尾，朋友聚會飯局特別多！今次同朋友提早慶祝聖誕，揀左尖沙咀Brick Lane分店，好鬼有氣氛！餐廳裝修本來已經好有情調，而家有埋聖誕裝飾更加應下節。店員好熱情介紹我地有聖誕特飲，外型好可愛，仲有Mocktail可以揀，岩哂近排唔飲得酒嘅我。蜜桃蘋果加上梳打感覺清新，仲有少少薑味香得黎唔會太辣，好配合呢個季節。沙津單係顏色已經令人好有胃口，沙津醋唔會過酸幾好味，大蝦同帶子都好有水準，煮嘅火喉剛剛好，爽口鮮味。主菜龍蝦扁意造型好搶眼，扁意粉口感好好唔會太淋，而且唔會太多Cream變得好膩；龍蝦啖啖肉，新鮮所以保持到肉質爽口鮮甜。不過意粉份量唔算大，女仔食剛好男仔可能未必夠。肉眼扒點五成熟，所以中間肉色仍帶粉紅，食落好柔軟。伴碟薯仔同蕃茄味道都唔錯，個蒜烤嘅時間可以再長少少會更香。食得差唔多，不過都唔可以少左甜品！揀左蘋果Pancake配雲呢拿雪糕，上碟前再淋上糖漿，一黎已經聞到好香甜嘅味。Pancake蛋味好突出，蘋果粒酸酸甜甜，作為飯後甜品唔會太膩。新鮮Pancake加雲呢拿雪糕一冷一熱，正呀！食物味道唔錯，而且餐單幾有心思，加埋有情調嘅氣氛的確岩朋友或者情侶黎食飯慶祝節
餐廳裝修本來已經好有情調，而家有埋聖誕裝飾更加應下節。
店員好熱情介紹我地有聖誕特飲，外型好可愛，仲有Mocktail可以揀，岩哂近排唔飲得酒嘅我。蜜桃蘋果加上梳打感覺清新，仲有少少薑味香得黎唔會太辣，好配合呢個季節。
沙津單係顏色已經令人好有胃口，沙津醋唔會過酸幾好味，大蝦同帶子都好有水準，煮嘅火喉剛剛好，爽口鮮味。
主菜龍蝦扁意造型好搶眼，扁意粉口感好好唔會太淋，而且唔會太多Cream變得好膩；龍蝦啖啖肉，新鮮所以保持到肉質爽口鮮甜。
不過意粉份量唔算大，女仔食剛好男仔可能未必夠。
肉眼扒點五成熟，所以中間肉色仍帶粉紅，食落好柔軟。伴碟薯仔同蕃茄味道都唔錯，個蒜烤嘅時間可以再長少少會更香。
食得差唔多，不過都唔可以少左甜品！
揀左蘋果Pancake配雲呢拿雪糕，上碟前再淋上糖漿，一黎已經聞到好香甜嘅味。Pancake蛋味好突出，蘋果粒酸酸甜甜，作為飯後甜品唔會太膩。新鮮Pancake加雲呢拿雪糕一冷一熱，正呀！
食物味道唔錯，而且餐單幾有心思，加埋有情調嘅氣氛的確岩朋友或者情侶黎食飯慶祝節日。見到隔離枱點嘅飲品好靚，下次黎要試番杯。
張貼
