Seoulmate (京都廣場) (已結業)

印象中去年年頭呢間餐廳都仲喺舊址，當時同男朋友光顧過，期後搬到銅鑼灣，亦都跟朋友黎過，當時就覺得還可以。反而今次點餐冇失手，幾款食物味道都唔錯，有興趣可以參考一下。餐廳位於京都廣場，全棟大廈都係食肆，有機會遇上生客，不過佢地真係頗受歡迎，so far黎親都幾乎滿座，可以先行喺網上預約，仲有，提提你，約9點鐘就會last order，唔洗撲空餐廳面積不少，但黎幾次都係坐近門口位置，實在唔知內裡係點。餐桌擺放密麻，基本上就清楚聽到隔離枱講乜。餐牌選擇頗多，其中有啲不再供應嘅產品貼上「乏人問津，同意下架」、「完成歷史任務，光榮引退」等，好可愛餐牌選擇頗多，屬於新式韓國菜，將韓國料理元素加入，前菜例如飯卷、餃子、煎餅，另有炸雞、炸魚、漢堡、薄餅、飯麵等，甜品選擇不少，有窩夫、多士、班戟等。普遍菜品份量頗多，適合三至四人用。韓式海鮮煎蛋薄餅 $98雖然賣相唔算好吸引，但味道不錯的，哈。煎餅粉漿唔厚，而且入口香脆，唔會好似食緊粉餅，煎得乾身，油膩感唔重附上醬汁，酸酸地，配搭得宜。至於海鮮，已經切到零碎，口感係有的，我諗有墨魚掛。煙三文魚凱撒沙律 $98換轉平時嘅我，肯定唔會點沙律的，不過最近打左幾