大和牛石燒專門店 (已結業)

今日去九龍灣搵嘢食， 得寶商場原來有間牛石燒。日本a5和牛肉眼蓋200gram，$278。 脂肪同肉嘅分佈非常均勻， 真係好似雪花一樣。 放落石板上面燒， 自己控制火侯， 無論任何一個熟成度都係咁好味。 可能因為脂肪比例較多， 可以做到入口即溶嘅效果。 加啲鹽調味， 就成為一味佳餚。 另外呢度嘅飯係自助任裝， 用嚟配搭和牛真係非常好。雙重芝士和牛漢堡，$66。 朋友就想試下呢度嘅漢堡， 首先個人認為性價比十分高， 呢個價錢食到和牛而且係非常大塊。 味道方面 係一種好特別嘅醃料， 牛肉好juicy， 呢個漢堡包好高分。