漁牧 (已結業)

父親節訂咗枱食中菜慶祝，六點嚟到入面已經好多客人坐低食緊野。我地嗌咗全隻烤鴨配二食。如果想食片皮鴨，最好早一日訂或者早啲嚟食，唔係嘅話好易冇晒。等上菜都等咗幾耐，因為始終係即叫即烤。嚟到即刻包咗舊食下，鴨片好脆肉又厚，幾驚喜。加上塊皮夠薄，整體嚟講算幾有水準。不過二食就冇咁抵食，多多涼瓜冇乜肉，可能啲肉已經差唔多切晒係片皮鴨。水煮魚係呢度算係名菜，梗係要試下。我地揀咗酸辣清江魚，出到嚟條魚都幾大，下面有火keep住保温。啲肉算滑，個湯偏酸唔辣，一啖酸辣湯一啖魚肉，兩樣加埋都幾夾。