影片
更多
2022-03-21
452 瀏覽
星期六日放假就可以好悠閒甘去揾早餐食，今次就揀左觀塘龍城食個常餐。龍城既常餐選擇好多，好多變化，麵食既餸方面例牌沙嗲牛肉、五香肉丁、仿鮑火腿一定有，仲有好特別既秘制香辣魷魚，麵底就通粉、米粉、公仔麵任君選擇，加$3可以轉出前一丁或者烏冬。蛋就有煎蛋、炒蛋拼火腿/腸仔，不過就係跟返主食既餐，無得揀煎蛋拼腿/腸。麵包就有火腿芝士牛角酥、丹麥多士、牛油脆豬，強烈推薦牛角酥，有幾次食到烘到好香脆芝士半融狀態既牛角酥，真係返唔到轉頭！今日牛角酥賣曬，我就揀左雪菜肉絲蝦米湯米粉，炒蛋配火腿，丹麥多士，熱鴛鴦，卡路里夠頂到晚餐！龍城既雪菜偏淡口味，唔會太鹹太濃，但有蝦米既香，配米粉一流，如果你係想要麵底淋啲硬啲，記得係落單既時候講埋。丹麥多士烘過但唔太熱，炒蛋夠滑，熱鴛鴦就啡味較濃，個人認為熱奶茶出色啲！
龍城既常餐選擇好多，好多變化，麵食既餸方面例牌沙嗲牛肉、五香肉丁、仿鮑火腿一定有，仲有好特別既秘制香辣魷魚，麵底就通粉、米粉、公仔麵任君選擇，加$3可以轉出前一丁或者烏冬。蛋就有煎蛋、炒蛋拼火腿/腸仔，不過就係跟返主食既餐，無得揀煎蛋拼腿/腸。麵包就有火腿芝士牛角酥、丹麥多士、牛油脆豬，強烈推薦牛角酥，有幾次食到烘到好香脆芝士半融狀態既牛角酥，真係返唔到轉頭！
今日牛角酥賣曬，我就揀左雪菜肉絲蝦米湯米粉，炒蛋配火腿，丹麥多士，熱鴛鴦，卡路里夠頂到晚餐！
龍城既雪菜偏淡口味，唔會太鹹太濃，但有蝦米既香，配米粉一流，如果你係想要麵底淋啲硬啲，記得係落單既時候講埋。丹麥多士烘過但唔太熱，炒蛋夠滑，熱鴛鴦就啡味較濃，個人認為熱奶茶出色啲！
張貼
