666泰船麵 (仁愛街) (已結業)

今日喺新蒲崗經過呢間舖頭嘅門口，見到啲菜式多數都係30、40幾蚊咁抵，就忍唔住試吓性價比係咪咁高。呢度好貼心，每一款嘅主食都有分細碗同正常碗，細碗會比正常碗平大概十幾蚊，啱晒一啲細食嘅朋友，食得飽之餘又可以慳錢。牛魔王係我叫咗牛肉船金邊河，細（$38），朋友就叫咗黑松露海南雞飯（$65）。另外我仲加左個花膠椰子燉雞湯（$25）好足料，同埋飲落好滋潤，岩晒近排關開始凍凍地既天氣。唔好諗住牛肉船金邊河細細碗唔夠食，一段女仔都夠架喇，都算幾多配料，同埋個湯底好濃，夠晒惹味。黑松露海南雞飯雞件夠滑，配埋撈左黑松露醬既飯，感覺幾新鮮既配搭。