麵屋黑岩

營業中

休息中

麵屋黑岩門面光鮮，門口掛住勁大個紅色燈籠，非常搶眼。餐廳內相當整潔明亮，座位不多，未到繁忙時間已經keep住九成滿。被安排坐在Bar枱，可以清楚看到師傅們的用心。就算部印單機係咁嘔啲ordersssss出黎，都仍然堅持量度好每一碗湯底、調味和配料的份量，每一碗都細心擺盤等，用完的食材也會馬上蓋好放回雪櫃，絕不因爲旺場而馬虎，認真對待料理的態度值得欣賞。直接把心水填在餐牌上，再交給店員就可以了。黑蒜拉麵 $78選擇了炙燒叉燒和蔥，炙燒過的叉燒特別香口，非常惹味！黑蒜湯底的不會太油，湯底內的生蒜和炸蒜令整碗的惹味度再提升，兩三下手勢就清晒，好味到連湯都清埋。拉麵碗除了碗邊印有店名之外，碗底也有麵屋黑岩的Logo。溏心蛋 $12初時以為$12得半隻，點知係原隻另外再上。溏心蛋內裡流心之餘，仲非常香甜！濃郁的蛋液在口腔內爆發的感覺實在太正了！辛辣拉麵 $78厚切的叉燒十分肥美可口，辛辣拉麵的湯底比想像中要辣，食到標晒汗。薯片雞翼 $26外邊沾滿薯片碎和花生碎，內裡的雞翼充滿了料理酒的香味，雞肉和雞皮仍保持嫩滑多汁。